NATO სწრაფი რეაგირების არმიის შექმნას აპირებს. ძალები მინიმუმ 10 000 კაცისგან შედგება და მისი შექმნის ინიციატივით დიდი ბრიტანეთი გამოვიდა. დანია, ლატვია, ესტონეთი, ლიტვა, ნიდერლანდები და ნორვეგია - ეს იმ ქვეყნების ჩამონათვალია, რომლებიც პროექტში უკვე მონაწილეობენ, ხოლო კანადამ სურვილი გამოთქვა, მისი ნაწილი გახდეს.
ეს იქნება უკრაინაში რუსულ აგრესიაზე ჯერჯერობით NATO-ს ყველაზე თამამი პასუხი. NATO-ს მისიაა, შექმნას სრულყოფილად არმია. რომელიც საზღვაო, საჰაერო და სახმელეთო ბრძოლისათვის მუდამ მზად იქნება. სათავეში არმიას დიდი ბრიტანეთი ჩაუდგება.