ბათუმში, გვიან ღამით ერთ-ერთ კლუბში ორმხრივი სროლისას კრიმინალური პოლიციის თანამშრომელი მოკლეს. დაჭრილია კიდევ ოთხი ადამიანი.
გამოძიებამ დაადგინა, რომ 27 დეკემბერის ბათუმი, კლუბ Legacy-ში შსს-ს აჭარის მთავარი სამმართველოს ბათუმის საქალაქო სამმართველოს მეშვიდე განყოფილების უმცროს ინსპექტორს, თარეშ მუკბანიანს ცეცხლსასროლი იარაღის გამოყენებით თავის არეში სასიკვდილო ჭრილობა მიაყენეს. კრიმინალური პოლიციის თანამშრომელს სავარაუდოდ რამაზ დევდარიანმა ესროლა.
გავრცელებული ინფორმაციით, დევდარიანი კრიმინალური ავტორიტეტის, ლავასოღლი ბატუმსკის, თანამზრახველია.
ეჭვმიტანილი ამ დროისთვის დაკავებულია. მისი აყვანა კი ნეიტრალურ ტერიტორიაზე მოხდა, როდესაც დევდარიანი თურქეთში გადასვლას ცდილობდა.
გამოძიება განზრახ მკვლელობის ფაქტზე მიმდინარეობს.
