ტაბულას ჟურნალისტის მიერ გაკეთებული განცხადება არის ძალიან დიდი სიცრუე და დემაგოგია, რომ თითქოს გვქონდა წინასაარჩევნო პროგრამა, რომ დევნილი მოსახლეობა გათავისუფლდებოდა ყველანაირი კომუნალური გადასახადისგან. არცერთ ჩვენს წინასაარჩევნო პროგრამაში ასეთი დაპირება არ ყოფილა. ჩემდა სამწუხაროდ, წეროვანის დასახლება არის ერთადერთი დასახლება, სადაც არ ვყოფილვარ. თუმცა, არჩევნების მოგების შემდეგ, როდესაც დავინიშნე ენერგეტიკის მინისტრად, წეროვანში ჩავედი დევნილთა მინისტრ დავით დარახველიძესთან ერთად, შევხვდი იქ მცხოვრებ ადამიანებს, რადგან ჰქონდათ დიდი პრობლემები, ჰქონდათ ბუნებრივი აირის მოხმარების და ელექტროენერგიის დიდი დავალიანებები. მივიღეთ გადაწყვეტილება, რომ იმ დროს არსებული დავალიანების მიმართულებით მომხდარიყო დახმარება დევნილთა სამინისტროს მხრიდან და ეს მართლაც განვახორციელეთ - თუ არ ვცდები, 200-200 ლარი ჩაურიცხეს იქ მცხოვრებ ადამიანებს. თუ არ ვცდები, არა ვაუჩერის სახით, არამედ ფულით გადაუხადეს დავალიანებები. თუმცა, ამის შემდეგ კიდევ წარმოიშვა დავალიანებები და კომპანია სოკარს ვთხოვეთ, რომ მომხდარიყო ამ თანხების განწილვადება გარკვეული წლების განმავლობაში - ანუ 15 ლარი გადაეხადათ ფიქსირებულად. ეს შეთანხმება იყო მიღწეული. მინდა, სოკარს მადლობა გადავუხადო ამ განწილვადებისთვის. უნდა გადაეხადათ 15 ლარი ყოველთვიურად და პლუს ბუნებრივი აირის თანხა, რასაც ყოველთვიურად მოიხმარენ. როგორც გაირკვა, ამ 15 ლარის გადახდაც არ მოხდა და მილები ჩაუჭრეს. თუმცა, არიან იქ ოჯახები, რომლებმაც გადაიხადეს. ვფიქრობ, დევნილთა სამინისტრო დაინტერესდება ამ კონკრეტული ფაქტით და მიიღებენ გადაწყვეტილებას. მზად ვარ, კომპანია სოკართან გავწიო ისევ შუამავლის როლი და მივიღოთ გადაწყვეტილება.
tbl.ge/12kl
დაკოპირდა
ენერგეტიკის მინისტრი კახა კალაძე იმედის ეთერში.
ამავე თემაზე
- პრემიერი: სანამ დევნილებს აფხაზეთში, სამაჩაბლოში დავაბრუნებთ, ღირსეული პირობები უნდა ჰქონდეთ
- დევნილთა სააგენტო: სანატორიუმ ქართლში მცხოვრებ 9 ოჯახს ბინები უკვე გადაეცა
- დევნილთა სააგენტო: გამჭვირვალედ ვმუშაობთ, მუდამ ღია ვართ დევნილებთან შეხვედრისთვის
- მინისტრი: კრიტიკულ მდგომარეობაში მყოფი დევნილებისთვის რამდენიმე ქალაქში მიწები შევარჩიეთ
- ბინის თავად მოძიება ან ქირის უზრუნველყოფა – მთავრობის შეთავაზება დევნილებს