მე მგონია, რომ ტროლები გახდნენ უკვე ქართული ოცნების დეპუტატები, მათ შორის, საკრებულოში და არა მხოლოდ საკრებულოში, სხვა ქართული ოცნების მხარდამჭერები. ძალიან შემაშფოთებელია, როდესაც ამას ვხედავთ. გახსოვთ თქვენ წინა ფაქტიც, ნანა კოსტავას შემთხვევა ქუთაისის საკრებულოში. ნანა კოსტავადან სწორედ ამ ერეკლე კუხიანიძემდე, როგორც ჩანს, ქართული ოცნება მორალურად დეგრადირებული ადამიანების თავშესაფარია. ადამიანების, რომლებსაც გაწყვეტილი აქვთ შუბლის ძარღვი და სრულიად უსახური, უტიფარი განცხადებების გაკეთება შეუძლიათ.
ნაცვლად იმისა, რომ მხარდაჭერა გამოუცხადონ ჩვენი დროის გმირის ვაჟა გაფრინდაშვილის ოჯახს და მაქსიმალურად ყველა ღონე იხმარონ, რომ ეს ადამიანი გამოიხსნან ტყვეობიდან, დღეს ისინი უკვე თავს ესხმიან სრულიად უტიფრად.