რუსეთის საიმიგრაციო სამსახური იუწყება, რომ სასამართლოს რუსეთის ტერიტორიაზე მყოფი 9 ათასი ქართველის საქმეს გადასცემს.
ფედერალური საიმიგრაციო სამსახურის უფროსი კონსტანტინ რომოდანოვსკი აცხადებს, რომ 2006 წელს რუსეთიდან საქართველოს მოქალაქეების მასობრივი დეპორტაცია კანონიერი ქმედება იყო და ასევე დეპორტირებული იქნება დამატებით 9 ათასი ქართველი.
,,ამ დროისთვის რუსეთის ტერიტორიაზე საქართველოს 9 000 მოქალაქე იმყოფება, რომელთაც ქვეყანაში ლეგალურად ყოფნის კანონით დაშვებულ ვადას, 90 დღეს გადააჭარბეს, ჩვენ მათ მოვძებნით და სასამართლოს გადავცემთ.’’-აცხადებს კონსტანტინ რომოდანოვსკი.
საქართველოს მოქალაქეების მასობრივ დეპორტაციასთან დაკავშრებით სტრასბურგის სასამართლო ბოლო სხდომას დღეს მართავს, გადაწყვეტილებას კი რამდენიმე თვეში გამოაცხადებს.
ქართულმა მხარემ სტრასბურგის სასამართლოს რუსეთის წინააღმდეგ საჩივრით 2007 წელს მიმართა.