ვერბატიმი

  • ხვალინდელი დღე არის ქართული ოცნებისა და ქართველი ხალხის მორიგი გამარჯვების დღე. ამ დღეს ქართველი ხალხი კიდევ ერთხელ ეტყვის უარს სიყალბესა და ბოროტებას, ანტიეროვნულ, ანტისახელმწიფოებრივ და ანტიეკლესიურ პოლიტიკურ ძალას. ამ დღეს ქართველი ხალხი კიდევ ერთხელ დაუჭერს მხარს მშვიდობას, ღირსებას, განვითარებას. მხარს დაუჭერს პოლიტიკურ ძალას, რომელსაც უყვარს სამშობლო. რომელიც სათანადო პატივს მიაგებს ეკლესიას, რომლისთვისაც უზენაესი ღირებულებაა ადამიანი, განურჩევლად მისი ეთნიკური თუ რელიგიური კუთვნილებისა, პოლიტიკური, მსოფლმხედველობრივი თუ პირადი შეხედულებებისა.

    თქვა ქართული ოცნების აღმასრულებელმა მდივანმა ირაკლი კობახიძემ პარტიის შემაჯამებელ შეხვედრაზე.
    ანტიეკლესიურ პოლიტიკურ ძალას ქართველი ხალხი კიდევ ერთხელ ეტყვის უარს - კობახიძე
  • ფაქტია, რომ ყველა ის წარმატება, რისი მიღწევაც ოცნებამ ამ რთულ პერიოდში მოახერხა და შეძლო, არ აღმოჩნდა საკმარისი უმცირესობაში მყოფი, ჩვენდამი კრიტიკულად განწყობილი ადამიანების დასარწმუნებლად და ხვალ ისინი განსხვავებულ არჩევანსაც გააკეთებენ. მაგრამ ჩვენ მეტნი ვართ, გაცილებით მეტნი და სწორედ ეს არის უმრავლესობის პასუხისმგებლობა უმცირესობის წინაშე, რომ შევძლოთ და დავაზღვიოთ მათი შეცდომაც, რათა მათვე არ დაუჯდეთ ძვირად საკუთარი მცდარი გადაწყვეტილება.

    მე პატივს ვცემ საქართველოს ყველა მოქალაქის არჩევანს და დრამატულს ვერაფერს ვხედავ იმაში, რომ მათი გარკვეული ნაწილი მხარს არ უჭერს „ქართულ ოცნებას“. დრამატულია ვითარება, როდესაც ქართული პოლიტიკა დღემდე ვერ სთავაზობს ამომრჩეველს „ოცნების“ საპირწონე ჯანსაღ ალტერნატივას და პოლიტიკური მრავალფეროვნების მიუხედავად, ოპოზიციურ ველზე კვლავ დომინირებს რევანშზე ორიენტირებული, დესტრუქციული ძალა, რის გამოც, „ქართული ოცნების“ საწინააღმდეგო არჩევანი, პრაქტიკულად, ამ ძალის სასარგებლოდ გაკეთებულ არჩევანს ნიშნავს.

    ჩვენ ხომ ზედმიწევნით კარგად ვიცით, რას უქადის ეს არჩევანი ჩვენს სამშობლოს და სწორედ ამიტომ, ჩვენი ვალია, „ქართული ოცნების“ მხარდამჭერთა ასპროცენტიანი გამოცხადებით დავიცვათ ისინიც, ვინც მცდარ არჩევანს გააკეთებენ, რათა არ დავუშვათ, რომ ემოციით ნაკარნახევი გადაწყვეტილებით დასაჯონ ქვეყანა და საკუთარი თავი. ისინი ხომ, განსხვავებული ხედვის მიუხედავად, ჩვენი სისხლი და ხორცი - ჩვენი ძმები და დები არიან...

    ქართული ოცნების ლიდერი ბიძინა ივანიშვილი პარტიის შემაჯამებელ შეხვედრაზე
    ივანიშვილი ოპოზიციის ამომრჩეველზე: არ დავუშვათ დასაჯონ ქვეყანა და საკუთარი თავი
  • საარჩევნო კამპანიის მიწურულს კვლავ მახსენდება 2012 წლის ის ბობოქარი დღეები, როდესაც ერთ მუშტად შეკრულებმა, ერთად გავაკეთეთ ისტორიული არჩევანი თავისუფლების სასარგებლოდ, უარი ვუთხრით ადამიანის ჩაგვრაზე დაფუძნებულ რეჟიმს და მთელ მსოფლიოს გავაგებინეთ, რომ სამიათასწლოვანი ისტორიის მქონე, თავისუფლებისმოყვარე, ღირსების მატარებელი ხალხი აღარასოდეს შეეგუება ძალადობას და უსამართლობას...

    ქართული ოცნების ლიდერი ბიძინა ივანიშვილი პარტიის შემაჯამებელ შეხვედრაზე
    ივანიშვილი: კვლავ მახსენდება 2012 წლის ის ბობოქარი დღეები...
  • უნდა მივიდეთ არჩევნებზე, რათა გაგრძელდეს ქვეყნის შენება და დავიმკვიდროთ ღირსეული არჩევანი ევროპულ ოჯახში...

    უნდა მივიდეთ არჩევნებზე, რათა გაგრძელდეს ქვეყნის შენება და დავიმკვიდროთ ღირსეული არჩევანი ევროპულ ოჯახში...
    ივანიშვილი: უნდა მივიდეთ არჩევნებზე, რათა გაგრძელდეს ქვეყნის შენება
  • უნდა მივიდეთ არჩევნებზე, რათა ქართველ კაცს არ მოუწიოს, აჩეხოს ვაზი...

    ქართული ოცნების ლიდერი ბიძინა ივანიშვილი პარტიის შემაჯამებელ შეხვედრაზე
    ივანიშვილი: უნდა მივიდეთ არჩევნებზე, რათა ქართველ კაცს არ მოუწიოს, აჩეხოს ვაზი
  • მოქალაქე ვალდებულია, თავისი ქალაქისა თუ სახელმწიფოს სოციალურ და პოლიტიკურ პროცესებში იყოს ჩართული, აზრს გამოთქვამდეს, თუნდაც არჩევანში ცდებოდეს კიდეც, მაგრამ პასუხისმგებლობას არ გაურბოდეს. ესაა მთავარი, ეს უნდა გავიაზროთ.

    არ მოგატყუოთ არავინ, რომ პოლიტიკურ პროცესებში ჩართვა ქრისტიანულ მოძღვრებას ეწინააღმდეგება, პირიქით, ვალდებულები ვართ ყველა, რომ სახელმწიფოსა და ღმერთს შესაბამისი საზღაური მივაგოთ, როგორც ეს თავად მაცხოვარმა დაგვიბარა.

    და ბოლოს, თუკი ჩემი, რიგითი ეპისკოპოსის სიტყვები არ აღმოჩნდა საკმარისი იმისათვის, რომ არჩევნებზე მისვლა გადაგეწყვიტათ, გთხოვთ, გამოჩენილ და გამორჩეულ ქართველს, ჩვენი ეკლესიის მიერ წმინდანად შერაცხილ ილია მართალს (ჭავჭავაძე) მოუსმინეთ:

    "იცოდეთ, რომ ვისაც ხვალ ჩააბარებთ საბჭოში ხმოსნობას, იმას აბარებთ მთელის ოთხის წლის თქვენს საერთო სვე-ბედსა, თქვენის ოჯახობის საერთო კეთილსა და ბოროტსა. ოთხი წელიწადი ბევრის რისამეა შემძლებელი, ავიც შეიძლება ბევრი მოგვაყენოს კარს და კარგიც.

    გულს ნუ გაიმრუდებთ, სულს ნუ წაიწყმედავთ! იცოდეთ, ეს დიდი საქმე თქვენს ნამუსს, თქვენს სინიდისს, თქვენს პატიოსნებას აბარია. ახსენეთ ღმერთი, და ღვთისა და მართლის სახელით, შეუდექით არჩევანის დიდს საქმეს და მარჯვენას თქვენსას ის არ აქმნევინოთ, რასაც გული და სინიდისი არ გეუბნებათ".

    გთხოვთ, მიბრძანდით არჩევნებზე, აიღეთ თქვენს თავზე მოქალაქეობრივი პასუხისმგებლობა, გააკეთეთ არჩევანი წრფელი სინდისითა და სხვათა ძალდატანების გარეშე, დაიცავით უსაფრთხოების ნორმები და დაუბრუნდით თქვენს ოჯახებს...

    მარგვეთისა და უბისის ეპისკოპოსი მელქისედეკ ხაჩიძე მოქალაქეებს მოუწოდებს, არჩევნებზე მივიდნენ და საკუთარი არჩევანი გააკეთონ.
    მეუფე მელქისედეკი: გთხოვთ, მიდით არჩევნებზე, მოქალაქე პასუხისმგებლობას არ უნდა გაექცეს
  • ქრისტესმიერ საყვარელო ძმანო და დანო, მოგვიახლოვდა კიდევ ერთი და უმნიშვნელოვანესი არჩევნები, სულ მალე ყველა ერთად გადავწყვეტთ, თუ როგორი იქნება ქვეყნის განვითარება უახლოესი ოთხი წლის მანძილზე.

    ვესაუბრები ადამიანებს, ვეცნობი კვლევებს და გული მტკივა, რადგან მოსახლეობის დიდი ნაწილი კვლავ უარს ამბობს არჩვენებში მისვლასა და მონაწილეობაზე. ერთი მხრივ, მესმის მათი იმედგაცრუება, რაც წლების მანძილზე დაგროვდა, მაგრამ ეს არ ამართლებს გულგრილობას, გულგრილობას ჩვენი ქვეყნის მომავლის წინაშე.

    ათწლეულების მანძილზე მიჩვეულები ვიყავით, რომ არსებობდა ერთადერთი - კომუნისტური პარტია, ერთი იდეოლოგიით, პროგრამით, გეგმით - რომელიც ყველა არჩევნებში უპრობლემოდ იმარჯვებდა, შემდეგ, უეცრად გაჩნდა ათობით პარტია, რადიკალურად განსხვავებული ხედვებით, ხალხით, მიდგომებით და დავიბენით.

    დღემდე დაბნეულები ვართ. არადა, თავისუფლება სწორედ არჩევანის მრავალფეროვნებიდან გამომდინარეობს. მოქალაქე, რომელიც იძულებულია რომ ყველა არჩევნებში ერთადერთ პარტიას მისცეს ხმა, შეუძლებელია თავისუფალი იყოს. წლებია, ნებსით თუ უნებლიეთ, პოლიტიკურ პროცესებში ჩართულობა სირცხვილად იქცა და ჩვენი მოქალაქეები კვლავ სიამაყით აცხადებენ, რომ ხმას "არცერთ პარტიას არ აძლევენ". ეს საამაყო ნამდვილად არაა.

    უფლის მადლით, წლების მანძილზე ათენში ვცხოვრობდი და ვსწავლობდი. ეს გახლავთ ქალაქი, რომელმაც საღვთისმეტყველო, ფილოსოფიური და კულტურული ცნობიერების გარდა, პოლიტიკური სისტემა - დემოკრატია აჩუქა სამყაროს. დიახ, ჩვენ მიერ ხშირად ნახსენები ფრაზა დემოკრატია (Δημοκρατία) ორ სიტყვიანი ბერძნული კომპოზიტია (δήμος-ხალხი და κράτος, "ძალა", "ძალაუფლება") და აღნიშნავს მმართველობის იმ მოდელს, რომელშიც მოქალაქეები აქტიურად არიან ჩართულები საკუთარი ქალაქისა თუ სახელმწიფოს პოლიტიკურ ცხოვრებაში.

    შემთხვევით არ მიხსენებია ტერმინი "მოქალაქე". ათენში მცხოვრები ადამიანი შეიძლებოდა ყოფილიყო როგორც - მოქალაქე (Πολίτης), ასევე, განცალკევებით მდგომი, მარტოდ მყოფი (ιδιώτης). ყველა მოქალაქე ვალდებული იყო მისულიყო არჩევნებში და ხმა მიეცა, ისინი იყვნენ ადამიანები, რომლებიც სახელმწიფოსა თუ ქალაქის განვითარებაზე ფიქრობდნენ, გული შეტკიოდათ და პასუხისმგებლობა ჰქონდათ, ეს განასხვავებდათ მათ განცალკევებით მდგომთაგან, მესაკუთრეებისგან, რომლებიც მხოლოდ საკუთარ თავზე ფიქრობდნენ და სახელმწიფოს ბედი არ ანაღვლებდათ. ჩვენ მოქალაქეები ვართ, უნდა მივიდეთ არჩევნებზე და ჩვენი წილი პასუხისმგებლობა ვიტვირთოთ.

    მოქალაქე ვალდებულია თავისი ქალაქისა თუ სახელმწიფოს სოციალურ და პოლიტიკურ პროცესებში იყოს ჩართული, აზრზს გამოთქვამდეს, თუნდაც არჩევანში ცდებოდეს კიდეც, მაგრამ პასუხისმგებლობას არ გაურბოდეს. ესაა მთავარი, ეს უნდა გავიაზროთ.

    არ მოგატყუოთ არავინ, რომ პოლიტიკურ პროცესებში ჩართვა ქრისტიანულ მოძღვრებას ეწინააღმდეგება, პირიქით, ვალდებულები ვართ ყველა, რომ სახელმწიფოსა და ღმერთს შესაბამისი საზღაური მივაგოთ, როგორც ეს თავად მაცხოვარმა დაგვიბარა.

    და ბოლოს, თუკი ჩემი, რიგითი ეპისკოპოსის სიტყვები არ აღმოჩნდა საკმარისი იმისათვის, რომ არჩევნებზე მისვლა გადაგეწყვიტათ, გთხოვთ გამოჩენილ და გამორჩეულ ქართველს, ჩვენი ეკლესიის მიერ წმინდანად შერაცხილ ილია მართალს (ჭავჭავაძე) მოუსმინეთ:

    "იცოდეთ, რომ ვისაც ხვალ ჩააბარებთ საბჭოში ხმოსნობას, იმას აბარებთ მთელის ოთხის წლის თქვენს საერთო სვე-ბედსა, თქვენის ოჯახობის საერთო კეთილსა და ბოროტსა. ოთხი წელიწადი ბევრის რისამეა შემძლებელი, ავიც შეიძლება ბევრი მოგვაყენოს კარს და კარგიც.

    გულს ნუ გაიმრუდებთ, სულს ნუ წაიწყმედავთ! იცოდეთ, ეს დიდი საქმე თქვენს ნამუსს, თქვენს სინიდისს, თქვენს პატიოსნებას აბარია. ახსენეთ ღმერთი, და ღვთისა და მართლის სახელით, შეუდექით არჩევანის დიდს საქმეს და მარჯვენას თქვენსას ის არ აქმნევინოთ, რასაც გული და სინიდისი არ გეუბნებათ".

    გთხოვთ, მიბრძანდით არჩევნებზე, აიღეთ თქვენს თავზე მოქალაქეობრივი პასუხისმგებლობა, გააკეთეთ არჩევანი წრფელი სინდისითა და სხვათა ძალდატანების გარეშე, დაიცავით უსაფრთხოების ნორმები და დაუბრუნდით თქვენს ოჯახებს...

    მარგვეთისა და უბისის ეპისკოპოსი მელქისედეკ ხაჩიძე მოქალაქეებს მოუწოდებს, არჩევნებზე მივიდნენ და საკუთარი არჩევანი გააკეთონ.
    ეპისკოპოსი მელქისედეკი: ხმის არცერთი პარტიისთვის მიცემა საამაყო ნამდვილად არაა
  • აღსანიშნავია ის ფაქტი, რომ წინა არჩევნებთან შედარებით მშვიდი და სტაბილური საარჩევნო გარემოა...

    თქვა ორბელიანების სასახლეში, საქართველოს პრეზიდენტმა, სალომე ზურაბიშვილმა ეუთოს საპარლამენტო ასამბლეის სადამკვირვებლო მისიასთან შეხვედრისას.
    ზურაბიშვილი: წინა არჩევნებთან შედარებით მშვიდი და სტაბილური საარჩევნო გარემოა
  • მე გარწმუნებთ იმაში, ეს პარტიები ქართულ ოცნებასთან არ შექმნიან კოალიციას, ჩვენ გვექნება დაახლოებით ასი მანდატი შემდეგი მოწვევის პარლამენტში, შესაბამისად, ყოველგვარ კოალიციაზე, რა თქმა უნდა, საუბარი ზედმეტია...

    ქართული ოცნების აღმასრულებელი მდივანი ირაკლი კობახიძე გაერთიანებული ოპოზიციის შეთანხმებაზე, რომლის მიხედვითაც, ისინი არჩევნების შემდეგ ქართულ ოცნებასთან კოალიციას არ შექმნიან.
    კობახიძე: ჩვენ ავიღებთ დაახლოებით 100 მანდატს, ყოველგვარ კოალიციაზე საუბარი ზედმეტია
  • პანდემიის დასაწყისიდანვე, ინფლაციის მიმართულებით მსოფლიო ეკონომიკაში ორი ტრენდი იყო, მოთხოვნა შემცირდა, რაც თავისთავად ინფლაციაზე შემცირების მიმართულებით მუშაობდა, თუმცა დასაწყისში, გაზაფხულის პირველივე თვეებიდან იყო მიწოდების რღვევა. ერთი მხრივ, ეკონომიკური ფუნდამენტის საფუძველი გვეუბნებოდა, რომ ინფლაცია უნდა წამოსულიყო ქვემოთ, მაგრამ ზოგიერთ პროდუქტზე მიწოდების ჯაჭვების შეფერხების გამო, ფასები გაიზარდა. ეს მალევე აღმოიფხვრა და მე არ მახსენდება მაგალითი ბოლო რამდენიმე თვის განმავლობაში, რომ რამის მიწოდებაზე დეფიციტი ყოფილიყო. ამ ეტაპზე ინფლაცია მოდის ქვემოთ, შორს აღარ არის მიზნობრივისგან და ვფიქრობ, ამ მხრივ საფრთხე არ გვემუქრება...

    პანდემიის დასაწყისიდანვე, ინფლაციის მიმართულებით მსოფლიო ეკონომიკაში ორი ტრენდი იყო, მოთხოვნა შემცირდა, რაც თავისთავად ინფლაციაზე შემცირების მიმართულებით მუშაობდა, თუმცა დასაწყისში, გაზაფხულის პირველივე თვეებიდან იყო მიწოდების რღვევა. ერთი მხრივ, ეკონომიკური ფუნდამენტის საფუძველი გვეუბნებოდა, რომ...
    მაჭავარიანი: ინფლაცია მიზნობრივისგან შორს აღარ არის, საფრთხე არ გვემუქრება
  • სტაბილურია სიტუაცია - მე ასე შევაფასებდი. არ გვაქვს მკვეთრი მატება საბედნიეროდ. ჩვენი გაანგარიშებით, მოსახლეობამ ცოტა უფრო მეტად დაიწყო წესების დაცვა, ნიღბების ტარება და დისტანციის დაცვა. რაც ძალიან კარგია, მივესალმები, მაგრამ ეს საკმარისი არ არის, რადგან წინ მოდის ზამთარი, შესაბამისად, მოიმატებს ზამთრის ვირუსები.

    თქვა დაავადებათა კონტროლის ეროვნული ცენტრის ხელმძღვანელის მოადგილემ, პაატა იმნაძემ.
    იმნაძე: ჩემი შეფასებით, სიტუაცია სტაბილურია, მკვეთრი მატება არ გვაქვს
  • შეიძლება ვიღაცას ფანტაზიებში რაღაც იდეები შეიძლება დაიბადოს, ათასი არანორმალური გვყავს, სამწუხაროდ, პოლიტიკაში. მაგრამ გამოხატვის თავისუფლება მანამ, სანამ ის შეესაბამება კანონმდებლობას, სამართლებრივ წესებს და ნორმებს, რა თქმა უნდა, ამას არაფერი ემუქრება. პოლიცია დაიცავს თითოეულ ჩვენს მოქალაქეს. როგორც კი ეს გავა ზღვარს, რისკს შეუქმნის სხვა მოქალაქეებს ან შენობებს, რა თქმა უნდა, პოლიცია იმოქმედებს საკუთარ მანდატში, კანონის სრული დაცვით.

    ამბობს პრემიერმინისტრი, გიორგი გახარია TV იმედის კითხვის საპასუხოდ, მოსალოდნელია თუ არა, ოპოზიცია ხმების დაცვის სახელით დესტაბილიზაციას გეგმავდეს.
    გახარია: სამწუხაროდ, ათასი არანორმალური გვყავს პოლიტიკაში
  • მე, მაგალითად, არანაირი რეიტინგები და კვლევები არ მჭირდება, მათ შორის, ოპოზიციური ტელევიზიების, ან არ ვიცი, პარტიების გაკეთებული. მარტივი მიზეზის გამო: მე ძალიან ახლო ურთიერთობა მაქვს ადამიანებთან, განსაკუთრებით ბოლო სამი თვის განმავლობაში, ყველაზე სწორი არის ეს შეგრძნებები და მე ჩემი რეიტინგი მაქვს საკუთარი, მერე გაგიმხელთ, არჩევნები რომ დამთავრდება...

    პრემიერმინისტრი გიორგი გახარია საკოორდინაციო სხდომის შემდეგ გამართულ ბრიფინგზე.
    პრემიერი: კვლევები არ მჭირდება, ჩემი საკუთარი რეიტინგი მაქვს, არჩევნების მერე გეტყვით
  • ორ რამეს ვიტყვი. პირველი, რომ უაღრესად ადამიანურად დამწყდა გული.

    მეორე, ქვეცნობიერია, ხალხო, ჩვეულებრივი ქვეცნობიერია, არაფერი არ მოხდა, სანამ სოციალურ მედიაში არ ატყდა ერთი ამბავი, ვერც მოიფიქრა იქ მდგომმა ერთმა ადამიანმა, გამოსულიყო და რაღაცა კომენტარი გაეკეთებინა. სოციალურ მედიაში რომ ატყდა ერთი ამბავი, მერე დაიწყეს რაღაც უხერხული ვერსიების მოძებნა, ამიტომ არის ეს ქვეცნობიერი, დარწმუნებული ვარ ამაში.

    რაც შეეხება იმას, რატომ დამწყდა გული. ბუბა კიკაბიძე არის ამ ქვეყნის ერთ-ერთი გამორჩეული არტისტი, ადამიანი ასაკში... აი, ეს არის ნაციონალური მოძრაობის ხელწერა, როდესაც ცალკე აღებული ადამიანის ბედი არავის ადარდებს, ამ ასაკის ადამიანი იქ რომ გამოგყავს, ამღერებ, ასეთი მორალური და ემოციური დარტყმის ქვეშ აყენებ, შემდგომ, რაც წლების განმავლობაში შეუქმნია, გაუკეთებია, რეპუტაცია ან ხალხის სიყვარული დაუმსახურებია, ამ ერთ საღამოში [დაკარგა], სამწუხაროდ...

    პრემიერმინისტრი გიორგი გახარია ენმ-ძალა ერთობაშიას სიის პირველი ნომრის, ბუბა კიკაბიძის აქციაზე ქართულ-რუსულად სიმღერაზე. პარტიის წევრებმა ეს ფონოგრამის შეცდომით ახსნეს, ბუბა კიკაბიძის თქმით კი, ავტომატურად იმღერა მეორე სტროფი რუსულად. იქამდე, მისი განმარტებით, რუსულად იმისთვის იმღერა, რომ "გაეგოთ,...
    გახარია: კიკაბიძეზე უაღრესად დამწყდა გული, ესაა ენმ-ს ხელწერა, ამ ასაკის კაცი იქ რომ გამოგყავს
  • სრული პასუხისმგებლობით ვაცხადებ, რომ შეკრების, მანიფესტაციების ან გამოხატვის თავისუფლებას ეპიდემიოლოგიურ ჭრილში არაფერი ემუქრება. მაგრამ შეიძლება ჩვენ მივიღოთ გადაწყვეტილება, რომ სავალდებულო გავხადოთ პირბადივეს ტარება. როგორც არის დახურულ შენობებში, ასევე გახდეს ღია სივრცეებში.

    ამიტომ, ყველას შეეძლება მოაწყოს რამდენი მიტინგიც უნდა, ოღონდ კანონის სრული დაცვით და შეიძლება პირბადით, ოღონდ ამას სერიოზული საკანონმდებლო ცვლილებები სჭირდება, ერთ და ორ დღეში ვერ გაკეთდება. არავის გამოხატვის თავისუფლებას არაფერი ემუქრება.

    ასე პასუხობს კითხვას საქართველოს პრემიერმინისტრი, გიორგი გახარია, შესაძლოა თუ არა, რომ არჩევნების შემდეგ კორონავისურის გავრცელების პრევენციის მიზნით, შეკრებები და მანიფესტაციები აიკრძალოს.
    გახარია: შეკრების ან გამოხატვის თავისუფლებას ეპიდემიოლოგიურ ჭრილში არაფერი ემუქრება
  • საერთოდ, ამ ქვეყანაში იმიტომ, რომ სუსტ ოპოზიციას არ აქვს შინაარსობრივი თემები, ყოველ ჯერზე არჩევნებამდე ორი-სამი დღით ადრე საკითხი ხდება პრორუსულობა, პრორუსული ვინ იყო, გუშინ ვნახეთ, ეს იყო ჩვეულებრივი ქვეცნობიერის გამოვლენა, პირდაპირ გეუბნებით...

    პრემიერმინისტრი გიორგი გახარია ენმ-ძალა ერთობაშიას სიის პირველი ნომრის, ბუბა კიკაბიძის ქართულ-რუსულ სიმღერაზე.
    გახარია: პრორუსული ვინ იყო, გუშინ ვნახეთ, ეს იყო ჩვეულებრივი ქვეცნობიერის გამოვლენა
  • კიდევ ერთხელ ხაზგასმით აღვნიშნავ, ქვეყანაში სისტემური, ქვეყნის მასშტაბით ლოკდაუნი არ იქნება, იქნება წერტილოვანი, კონკრეტული მიმართულებებით, მაგრამ სისტემური, სრულიად საქართველოს მასშტაბით ლოკდაუნი არ იქნება და ვერ იქნება.

    მარტივად აგიხსნით რატომ, იმიტომ, რომ ნებისმიერ ჩვენს გამარჯვებას ეპიდემიასთან ბრძოლაში, დღეიდან უკვე აქვს ფასი მხოლოდ იმ შემთხვევაში, თუ მინიმალურ ზიანს მივაყენებთ ეკონომიკას, კიდევ ერთხელ ვამბობ - გადაივლის ვირუსი, დავამარცხებთ ეპიდემიას და ეკონომიკის სწრაფი აღდგენა გახდება პრიორიტეტი N1...

    ამბობს პრემიერმინისტრი გიორგი გახარია. მთავრობამ საგანგებო მდგომარეობა მარტში იმ დროს გამოაცხადა, როცა ჯამში ინფიცირების რამდენიმე ათეული შემთხვევა იყო. თითქმის სამი თვის განმავლობაში ქვეყანა ჩაკეტილი იყო. ამის შემდეგაც, მოსახლეობის ჯანმრთელობაზე ზრუნვის საბაბით საქართველოს მთავრობამ საზღვრები...
    გახარია: მინიმალური ზიანი მივაყენოთ ეკონომიკას, ეპიდემიაზე გამარჯვებას ფასი ასე ექნება
  • ბევრი საუბარი იყო წინასაარჩევნო კოტექსტში ლოკდაუნთან დაკავშირებით. ეს კიდევ ერთი მაგალითია, არჩევნებამდე რამდენიმე დღით ადრე უპასუხისმგებლო პოლიტიკური ძალა ან ძალები როგორ იყენებენ ჩვენი მოქალაქეებისთვის მნიშვნელოვან საკითხებს, იმისთვის, რომ ამ მოკლე ვადაში რაღაც ხმები დააგროვონ.

    კიდევ ერთხელ ხაზგასმით აღვნიშნავ, ქვეყანაში სისტემური, ქვეყნის მასშტაბით ლოკდაუნი არ იქნება, იქნება წერტილოვანი, კონკრეტული მიმართულებებით, მაგრამ სისტემური, სრულიად საქართველოს მასშტაბით ლოკდაუნი არ იქნება და ვერ იქნება.

    მარტივად აგიხსნით რატომ, იმიტომ, რომ ნებისმიერ ჩვენს გამარჯვებას ეპიდემიასთან ბრძოლაში, დღეიდან უკვე აქვს ფასი მხოლოდ იმ შემთხვევაში თუ მინიმალურ ზიანს მივაყენებთ ეკონომიკას, კიდევ ერთხელ ვამბობ - გადაივლის ვირუსი, დავამარცხებთ ეპიდემიას და ეკონომიკური სწრაფი აღდგენა გახდება პრიორიტეტი N1...

    პრემიერმინისტრი გიორგი გახარია ევროპული საქართველოს ინფორმაციაზე, რომ არჩევნების შემდეგ ქართული ოცნება კვლავ ქვეყნის სრულ ჩაკეტვას გეგმავს.
    გახარია: კიდევ ერთხელ ვამბობ, ქვეყანაში სისტემური ლოკდაუნი არ იქნება, იქნება წერტილოვანი
  • ნებისმიერი ძალადობრივი ფაქტი, რომელიც წინასაარჩევნო პერიოდში მოხდა, რა თქმა უნდა, სრულად და ბოლომდე უნდა იყოს გამოძიებული. მე ძალიან კარგად მესმის, რომ პოლიტიკური ინტერესიდან გამომდინარე, ვიღაც შეიძლება დაინტერესებულია, რომ ეს გამოძიება მოხდეს რეგლამენტირებულ დროზე უფრო სწრაფად. ვიღაც ცდილობს, რომ რეგლამენტირებული დრო სრულად გამოიყენოს. ეს არის გარკვეული ნიუანსები. სახელმწიფოს ვალდებულებაა და მე გპირდებით, რომ ნებისმიერი ძალადობრივი ფაქტი ბოლომდე იქნება მიყვანილი და თითოეულ გამოძიებაზე შედეგი დადგება. 

    ამბობს საქართველოს პრემიერმინისტრი გიორგი გახარია.
    გახარია: მე გპირდებით, ყველა ძალადობრივი ფაქტი ბოლომდე იქნება მიყვანილი
  • ამ ბოლო დროს ჩვენთან შეიმჩნევა საკმაოდ ფრთხილი პოზიტიური ნიშნები - ეს არის გამოჯანმრთელებულთა რაოდენობის ზრდა და დასტაბილურებული ახალი შემთხვევები, იმის გათვალისწინებით, რომ ტესტირების რაოდენობა ქვეყანაში იზრდება.

    ეს არ არის ვინმეს დამსახურება, მთავრობის ან ცალკე აღებული სამინისტროსი, ეს არის ყველას, ჩვენი საერთო დამსახურება, ჩვენმა მოქალაქეებმა უფრო ხშირად დაიწყეს პირბადის ტარება, ეს არის უკიდურესად მნიშვნელოვანი, პირდაპირი მიზეზშედეგობრივი კავშირია პირბადის ტარებასა და ინფექციის გავრცელების სისწრაფეს შორის, ყველაფერი უნდა გავაკეთოთ, რომ ვატაროთ პირბადე, როგორც დახურულ შენობაში, ისე ღია სივრცეში...

    პრემიერმინისტრი გიორგი გახარია
    პრემიერი Covid 19-ზე: პოზიტიური ნიშნებია, მოქალაქეებმა უფრო ხშირად დაიწყეს პირბადის ტარება
  • ხვალ ჩვენი ქვეყნის შემდგომი დემოკრატიული განვითარებისთვის უმნიშვნელოვანესი დღეა. ჩვენ ყველას ერთად შეგვიძლია, მსოფლიოს ვაჩვენოთ კიდევ ერთი მაგალითი, როგორ შეიძლება პანდემიის პირობებში ჩავატაროთ სამაგალითო არჩევნები - თავისუფალი, ღია, დემოკრატიული და ტრანსფარენტული.  

    ყველას კარგად უნდა გვესმოდეს, რომ წინასაარჩევნო პერიოდმა როგორც ჩაიარა წყნარად, მშვიდად, აბსოლუტურად ტრანფარენტულ და დემოკრატიულ გარემოში, ზუსტად ასე უნდა ჩაიაროს არჩევნების დღემაც და შემდგომმა პერიოდმაც. 

    ყველას კარგად უნდა გვესმოდეს და ეს არის ხელისუფლების ვალდებულება, ხელისუფლების, მთავრობის, ოპოზიციური პარტიების, მთელი ჩვენი საზოგადოების, რომ ხვალინდელი დღე იყოს მშვიდი, დემოკრატიული, ტრანსფარენტული, ღია, გამჭვირვალე და შემდგომი პერიოდიც უნდა შეესაბამებოდეს დემოკრატიის უმაღლეს სტანდარტებს.  

    ნებისმიერი სახის პროვოკაცია ან კანონდარღვევა, მიუხედავად იმისა, რომელი პოლიტიკური ძალის წარმომადგებლებისგან იქნება ის ჩადენილი, უმკაცრესად იქნება დასჯილი შესაბამისი სამართალდამცავი სისტემის მიერ.  

    შსს-ს უკვე აქვს მიღებული დავალება, როგორც საარჩევნო უბნებზე მართლწესრიგის დასაცავად, ასევე მთლიანად ქვეყნის მასშტაბით საარჩევნო დღეს და არჩევნების შემდგომაც მართლწესრიგის დაცვის შემდგომი გაძლიერების თვალსაზრისით.

    ამბობს პრემიერმინისტრი, გიორგი გახარია. საქართველოში საპარლამენტო არჩევნები ხვალ, 31 ოქტომბერს ჩატარდება.
    გახარია არჩევნებზე: ნებისმიერი სახის პროვოკაცია ან კანონდარღვევა უმკაცრესად იქნება დასჯილი
  • დღეს ჩვენ გვაქვს საარჩევნო კამპანიის, მაჟორიტარი დეპუტატობის კანდიდატების წარდგენის ბოლო დღე, მას ვასრულებთ თბილისში და შემიძლია, სრული დარწმუნებით გითხრათ, რომ ქართულ ოცნებას აქვს არნახული მხარდაჭერა და ეს მხარდაჭერა არ არის კონკრეტულად პარტიის მხარდაჭერა. ეს არის ეკონომიკურად ძლიერი, დემოკრატიული, სამართლიანი სახელმწიფოს მშენებლობის მხარდაჭერა.

    ჩვენი ყველა მოქალაქე ხედავს, რომ ჩვენ უნდა გავაგრძელოთ ის აღმშენებლობა, ის რეფორმები, რომლებიც დაწყებული გვაქვს და ჩვენ გვაქვს ამისთვის კონკრეტული გეგმა, რომელიც კონკრეტული ნაბიჯებით ასახულია ჩვენს პროგრამაში. ეს გეგმა, პირველ რიგში, რა თქმა უნდა, ეხება ჩვენს სამუშაო ადგილებს და ქვეყნის ეკონომიკურ განვითარებას, რომელიც მოიცავს მთელ რიგ სტრუქტურულ რეფორმებს, გარდა ამისა, რა თქმა უნდა - ადამიანის უფლებებს და ჩვენი დემოკრატიის ინსტიტუციურ გაძლიერებას...

    ამბობს პრემიერმინისტრი გიორგი გახარია ისნის საარჩევნო ოლქში ქართული ოცნების მაჟორიტარი დეპუტატობის კანდიდატის, კახი კახიშვილის წარდგენისას.
    პრემიერი: ქართულ ოცნებას აქვს არნახული მხარდაჭერა
  • ჩვენ, საქართველოს მოქალაქეებმა, მგონი, ვისწავლეთ ეს გაკვეთილი, რომ არ აქვს მნიშვნელობა, რომელი პოლიტიკოსი იქნება, რა კარგი ადამიანი იქნება ის არჩევნებამდე, თუ შენ ამ ადამიანს მისცემ ჭარბ ძალაუფლებას, ყველა ადამიანი არის სახიფათო და საშიში იმიტომ, რომ ეს არის მარტივი ჭეშმარიტება – ძალაუფლება რყვნის, ხოლო აბსოლუტური ძალაუფლება აბსოლუტურად რყვნის.

    მარტივად გაიხსენეთ ის პერსონაჟები, ვინც გვახსენდებიან პოლიტიკური წარსულიდან, გავიხსენოთ ის პერსონაჟები, რომლებიც ნაციონალური მოძრაობის დროს თითის ქნევით ესაუბრებოდნენ საზოგადოებას, ესენი არ იყვნენ ასეთი საშიშები და ასეთი გამბედავები მანამდე, სანამ ხელისუფლებაში მოვიდოდნენ.

    ნებისმიერი, ვინც აბსოლუტურ ძალაუფლებას ჩაიგდებს ხელში, ხდება საშიში. 

    ეს გაკვეთილი აქვს დღეს ქართულ საზოგადოებას, რომ არ აპირებს ვინმეს გადასცეს საქართველოს მთელი დროშები და მთელი გასაღებები და უთხრას, რომ თქვენ გვმართეთო.

    იმედი მაქვს, რომ არ იქნება ერთპიროვნული გამარჯვებული თეთრ ცხენზე, რომელიც მერე შემოგვიტრიალდება და შეურაცხყოფას მოგვაყენებს...

    ამბობს საქართველოს მეოთხე პრეზიდენტი გიორგი მარგველაშვილი Palitra TV-ს ეთერში.
    მარგველაშვილი: იმედი მაქვს, არ იქნება ერთპიროვნული გამარჯვებული თეთრ ცხენზე
  • ნაცმოძრაობის ანგაჟირებული 4-5 ჟულიკი მე გადაადგილებას ვერ შემიზღუდავს. მე, როგორც დიდაჭარა, ასევე მთლიანად მაღალმთიანი აჭარა, ხულო, გუშინ მოვიარე. თავიდან დავიწყეთ და ბოლომდე გოდერძის უღელტეხილზე დავასრულეთ.   

    ჩვენ მოლოდინი გვქონდა, როცა პოლიტიკურ ძალას არ აქვს პასუხისმგებლობა, არც პოლიტიკური და არც მორალური და როცა იციან, რომ ეს არის წაგებული ბრძოლა, რა თქმა უნდა, გამოხტომებით შეეცდებიან პოლიტიკური პროცესი, საარჩევნო გარემო დააზიანონ.  

    მე განსაკუთრებულ სიამოვნებას ვიღებ, როცა ნაცკლასტერი კაკანებს და, რა თქმა უნდა, ჩვენ ყველა გადადგმულ ნაბიჯზე მათი პროვოკაციების არ გვეშინია. პირიქით, ძალიან შემართებით ვართ და ორ დღეში ვიზეიმებთ ძალიან დიდ გამარჯვებას. 

    ნაცმოძრაობას პარტიული ნომერი რაც აქვს, დაახლოებით 5 ანგაჟირებული ადამიანი, კონკრეტული კრიმინალური წარსულით, ცდილობდა, იქ ხელი შეეშალა, მაგრამ ისინი ვერასოდეს ვერ შემიშლიან ხელს, რომ გავაკეთო ის საქმე, რაც ჩვენი მოვალეობაა...

    ამბობს აჭარის მთავრობის თავმჯდომარე, თორნიკე რიჟვაძე. გუშინ, 28 ოქტომბერს, სოფელ დიდაჭარაში ქართული ოცნების წევრები წინასაარჩევნო შეხვედრას მართავდნენ, როდესაც დაპირისპირება მოხდა. რიჟვაძე ინციდენტში ნაციონალურ მოძრაობას ადანაშაულებს.
    რიჟვაძე: განსაკუთრებულ სიამოვნებას ვიღებ, როცა ნაცკლასტერი კაკანებს
  • სააკაშვილს წმინდა გიორგი ფიგარო ხომ არ ჰგონია, ზურგსაც უმაგრებს თურმე მაგას და ამავე დროს ზემოდანაც დაგვყურებს. ან რა იცის, რომ წინდა გიორგი უმაგრებს ზურგს, იქნებ წმინდა სპირიდონ ტრიმიფუნტელია, უბრალოდ თავისი ფაჩუჩებით მიეპარა ზურგიდან და ნაბიჯების ხმა ვერ გაიგო? ანუ ერთხელ სააკაშვილმა წაიფორხილა და უცბად ვიღაცამ ზურგიდან დაიჭირა, რომელი ხარო და გიორგი ვარ, ბატონო პრეზიდენტო, რომელი გიორგიო და აი, ის, წმინდანი რომ ვარო...

    წერს თეოლოგი ბასილ კობახიძე. "მე წმინდა გიორგი მიმაგრებს ზურგს" - თქვა ექსპრეზიდენტმა და ენმ-ძალა ერთობაშიას პრემიერმინისტრობის კანდიდატმა, მიხეილ სააკაშვილმა.
    კობახიძე: სააკაშვილს წმინდა გიორგი ფიგარო ხომ არ ჰგონია? ზურგს უმაგრებს თურმე მაგას
  • ზეგ ყველა უნდა გამოვიდეთ და ვთქვათ, რომ ასეთი ცხოვრება ჩვენ აღარ გვინდა, ჩვენ ვიმსახურებთ უკეთეს მომავალს. მე დარწმუნებული ვარ, ხალხის გონიერების, ხალხის შემართების, რომელიც იტყვის, რომ ჩვენ ვიმსახურებთ და გვინდა უკეთესი საქართველო. 

    მე მინდა ვთქვა და მოვუწოდო ჩემს კოლეგებს, არანაირი სიმდიდრე, არანაირი ქარხნები არ ღირს სახელად. ჩვენ ყველა, რაც არ უნდა შევქმნათ, რამდენი ქარხანაც არ უნდა ავაშენოთ, რამდენი ბიზნესიც არ უნდა გვქონდეს, დრო გაივლის და ამ ქვეყანაზე დარჩება მარტო სახელი. მე მოვუწოდებ ყველას, ვიბრძოლოთ მხოლოდ სახელისთვის. 

    ამბობს ენმ-ძალა ერთობაშიას მცხეთის მაჟორიტარი დეპუტატობის კანდიდატი ცეზარ ჩოჩელი პარტიის მიერ გამართულ აქციაზე.
    ცეზარ ჩოჩელი: მოვუწოდებ ყველას, ვიბრძოლოთ მხოლოდ სახელისთვის
  • ჩემო განსაკუთრებულებო, ჩემო განსაკუთრებულო თანამემამულეებო, რამდენიმე საათი გვაშორებს ჩვენ გამარჯვებამდე. გავიაროთ მშვიდობიანად ეს რამდენიმე საათიც, წყნარად გადაიბარეთ ხელისუფლება, შემდეგ გადავაბაროთ ხელისფლება ახალ თაობას, რომლებიც უკვე დაიბადნენ თავისუფლებაში. მივხედოთ ჩვენს ქვეყანას.  

    ჩვენი ქვეყანა იმსახურებს საუკეთესო მომავალს. წმინდა გიორგი, რომელიც მე მიმაგრებს ზურგს, წმინდა გიორგი, რომელიც დაგვყურებს ზემოდან. თქვენ, ერთი მხრივ, დაგყურებთ შეშინებული, დამფრთხალი ოლიგარქი, ივანიშვილი, მეორე მხრივ, წმინდა გიორგი. ჩვენი გზა აღარ არის ივანიშვილის გზა, ჩვენი გზა არის წმინდა გიორგის, თავისუფლების, საქართველოს გზა.

    ამბობს საქართველოს ექსპრეზიდენტი და ენმ-ძალა ერთობაშიას პრემიერმინისტრობის კანდიდატი, მიხეილ სააკაშილი პარტიის მიერ გამართულ აქციაზე.
    სააკაშვილი: მე წმინდა გიორგი მიმაგრებს ზურგს
  • მე მინდა ვუთხრა "ოცნების" მხარდამჭერებს, გავუწოდოთ ერთმანეთს ხელი. დღეს და გუშინ ჩვენ ვართ და ვიყავით მოწინააღმდეგეები. ხვალ ჩვენ ერთი ქვეყნის შვილები ვართ. 

    მე მინდა ვუთხრა ჩვენს საამაყო სახელმწიფო მოხელეებს, თქვენ ზიხართ იმ შენობებში, რომელიც ჩემი აშენებულია. თქვენ იღებთ იმ ხელფასებს, რომელიც თავის დროზე დაგინიშნეთ და, სამწუხაროდ, არ გაგეზარდათ. თქვენ ხომ იცით, რომ მე ძალიან მიყვარს ის შრომა, რომელსაც თქვენ ეწევით?  თქვენ ხომ იცით, რომ არავინ არ შეგეხებათ, იმიტომ, რომ, თუ თქვენ ასრულებთ თქვენს მოვალეობას, თქვენი გამოცდილება არის ოქროს ფასი, მნიშვნელობა არა აქვს, რა იყო წინა წლებში.

    ამბობს საქართველოს ექსპრეზიდენტი და ენმ-ძალა ერთობაშიას პრემიემრინისტრობის კანდიდატი მიხეილ სააკაშვილი.
    სააკაშვილი: მინდა, ვუთხრა "ოცნების" მხარდამჭერებს — გავუწოდოთ ერთმანეთს ხელი
  • ამ მიდამოებში მე-18 საუკუნის ბოლოს ერეკლე მეფეს გვერდზე არ დაუდგნენ ჯარისკაცები. მაგრამ, როდესაც ბრძოლა დამთავრდა, არ იტევდა თბილისი ერეკლეს დამტირებელს. 

    დღეს არის მძიმე დრო, ნურავის ნუ ეგონება, რომ ეს შემთხვევითია, დღეს წყდება საქართველოს ბედი. მე მინდა გითხრათ, მე მინდა, რომ იყოს არა კრწანისი, არამედ დიდგორი. როდესაც დავითის გზაზე შემართულები, ფეხზე დამდგრები და წელგამართულები ჩვენი ქვეყნის საკეთილდღეოდ ერთად დავჭექეთ - წინ, საქართველო!

    ამბობს ენმ-ძალა ერთობაშიას მცხეთის მაჟორიტარი დეპუტატობის კანდიდატი ცეზარ ჩოცელი პარტიის მიერ გამართულ აქციაზე.
    ცეზარ ჩოჩელი: მე მინდა, რომ იყოს არა კრწანისი, არამედ დიდგორი
  • ახლოვდება არჩევნები, დღე, როდესაც მოქალაქეები ანგარიშს სთხოვენ მთავრობას და განსაზღვრავენ მომავალს. არჩევნების დღე არის არა პოლიტიკოსების, არამედ ხალხის, თქვენი დღე, როდესაც უშუალოდ მონაწილეობთ ქვეყნის ბედის განსაზღვრაში.

    ეს არჩევნები განსაკუთრებულია, რადგან პარტიების გარდა ვცვლით ქვეყნის მართვის ფორმას. წარსულს ჩავაბარებთ ერთპიროვნულ მმართველობას და შევქმნით მრავალპარტიულ, მრავალფეროვან პარლამენტს. ამ სისტემაში თქვენი ხმა კიდევ უფრო მნიშვნელოვანი და წონადია. თითოეულ ხმას აქვს შანსი, ასახვა პოვოს პარლამენტში. ამ სისტემაში ყველა პოლიტიკური გემოვნების ადამიანს შეუძლია ჰყავდეს თავისი წარმომადგენელი, ამიტომ არ გავუშვათ ხელიდან ეს შანსი, მივიდეთ უბნებზე და ყველამ გავაკეთოთ ჩვენი არჩევანი.

    უნდა გვახსოვდეს - ძალიან ბევრი თაობა შეეწირა იმას, რომ ჩვენ, თავისუფალ მოქალაქეებს, გვქონოდა თავისუფალი არჩევნები და სწორედ არჩევნების გზით განგვესაზღვრა მომავალი. ამიტომ დღეს ჩვენ ყველანი ვართ ვალდებულნი, მივიდეთ არჩევნებზე და განვსაზღვროთ ჩვენი ქვეყნის მომავალი.

    წერს ევროპული საქართველოს ვაკის მაჟორიტარი დეპუტატობის კანდიდატი ელენე ხოშტარია Facebook-ზე. საპარლამენტო არჩევნები საქართველოში 31 ოქტომბერს გაიმართება.
    ხოშტარია: თაობები შეეწირა, რომ თავისუფალი არჩევნის საშუალება გვქონოდა, ამიტომ მივცეთ ხმა