ვერბატიმი

  • თქვენ რომ გენახათ ჩემს ტელეფონში რა ხდებოდა, რეებს მწერდნენ ადამიანები. ეს არიან ადამიანები, რომლებმაც ამ შეზღუდვების დროს დაკარგეს შემოსავალი... ფოტოგრაფები რეებს მწერდნენ, რომ არ იციან ბავშვებს რა აჭამონ... ის ადამიანები, რომლებიც დადიოდნენ და ყოველდღიური გამომუშავებით არიან, ეს [შეზღუდვები] ადვილი გადასაწყვეტი არ არის, ამიტომ გაიხსნა ქვეყანა ზაფხულში, რომ რაღაცნაირად ხალხს ამოესუნთქა, შიმშილი არ ყოფილიყო და ადამიანებს ჰქონოდათ მუშაობის შესაძლებლობა...

    დაავადებათა კონტროლის ეროვნული ცენტრის ხელმძღვანელის მოადგილე პაატა იმნაძე ტელეკომპანია ფორმულას ეთერში.
    იმნაძე: შეზღუდვები ადვილი გადასაწყვეტი არაა, მწერდნენ, რომ არ იციან ბავშვებს რა აჭამონ
  • ის შეზღუდვების პაკეტი, რომელიც ხვალ გამოცხადდება, თუ ჩვენ ყველაფერს გავაკეთებთ, ვვარაუდობთ, რომ მატება აღარ გვექნება. ანუ ვივლით, დაახლოებით, ამ ტემპით ინფიცირების, 3-4 000 დღეში, რასაც ჩვენი ჯანდაცვის სისტემა აიტანს და შესაბამისად, იმედი უნდა ვიქონიოთ, რომ მეტ-ნაკლებად მოგვეცემა შესაძლებლობა, ჩვეულ გარემოში შევხვდეთ ახალ წელს...

    დაავადებათა კონტროლის ეროვნული ცენტრის ხელმძღვანელის მოადგილე პაატა იმნაძე ტელეკომპანია ფორმულას ეთერში. შეზღუდვებთან დაკავშირებით ოფიციალურად უკვე ხვალ, 26 ნოემბერს გახდება ცნობილი.
    იმნაძე: იმედია, რომ მეტნაკლებად მოგვეცემა შესაძლებლობა, ჩვეულ გარემოში შევხვდეთ ახალ წელს
  • საზოგადოების ყველა ნაწილი კმაყოფილი ბუნებრივია, ვერ იქნება, მაგრამ მაქსიმალურად უნდა მოვიცვათ ახლა ჩვენ ადამიანები, რომ მაქსიმალურად გავიაზროთ ის, რომ ბეწვის ხიდზე გვიწევს გავლა და ყველაფერი კეთდება იმისთვის, რომ რაც მოვისმინეთ, ბუნებრივია, დღეს და მერე გაცხადდება ეს ოფიციალური უფლებამოსილი ორგანოების მიერ, რომ პრაქტიკულად მინიმალური იქნება ზეგავლენა ჩვენს ყოველდღიურ ეკონომიკურ აქტივობაზე და ეს იქნება ის აუცილებელი, რაც ადამიანების სიცოცხლის გადარჩენის შესაძლებლობას მოგვცემს, ჯანდაცვის სისტემას ამოსუნთქვის შესაძლებლობას მისცემს, დაავადებულ ექიმებს გამოჯანმრთელების საშუალებას მისცემს. ეს არის იმდენად ეგზისტენციალური, სასიცოცხლო, უბრალოდ ამის იქეთ არაფერი არ არსებობს, ამიტომ ყველა გაგებით უნდა მოვეკიდოთ ამ საკითხს...

    ალერგოლოგ-იმუნოლოგი ბიძინა კულუმბეგოვი პრემიერმინისტრთან შეხვედრის შესახებ. მთავრობა შესაძლო შეზღუდვების შესახებ ინფორმაციას, ხვალ, 26 ნოემბერს გაავრცელებს.
    კულუმბეგოვი შესაძლო შეზღუდვებზე: ადამიანების სიცოცხლის გადარჩენის შესაძლებლობას მოგვცემს
  • შეხვედრა ფასილიტატორების ჩართულობით უნდა დაიგეგმოს. კონკრეტულად როდის იქნება მესამე რაუნდი, ამის თქმა გამიჭირდება. რაც შეეხება არჩევნებს, ახალი არჩევნების ჩატარების არანაირი საფუძველი არ არსებობს. ვისმენდით ამ ხნის განმავლობაში, რომ გარკვეული ხარვეზები იყო კონკრეტულ უბნებზე, რაც ძალიან დიდი ტყუილი იყო...

    დედაქალაქის მერი კახა კალაძე.
    კალაძე: ახალი არჩევნების ჩატარების არანაირი საფუძველი არ არსებობს
  • გადაწყვეტილებები, გარწმუნებთ, რომ იქნება ბევრად გამკაცრებული, ვიდრე დღეს არის, ბევრად გაფართოებული, ვიდრე დღეს არის და მან შედეგი უნდა მოიტანოს.

    შედეგი რა იქნება, დღეს რომ 3 000 გვაქვს, და 3-4 000-ს შორის ვართ, მისი ზრდა არ უნდა იყოს ამ სამი კვირის შემდეგ, არ უნდა გვექნეს 5 და 6 000.

    მაგრამ ილუზიას ნუ შევიქმნით, როგორც შევიქმენით ილუზია ზაფხულში, რომ საქართველომ თურმე დაამარცხა კორონავირუსული ინფექცია, ილუზიას ნუ შევიქმნით, რომ უცბად, 3 და 4 000-დან ჩვენ ჩამოვალთ 1000-ზე, არა, ეს ილუზია ვერ იქნება...

    დაავადებათა კონტროლის ეროვნული ცენტრის დირექტორი ამირან გამყრელიძე ახალ შეზღუდვებზე, რომლის დაწესებასაც მთავრობა აპირებს.
    გამყრელიძე შეზღუდვებზე: ილუზია ნუ გვექნება, რომ 3-4 000 შემთხვევიდან უცბად ჩამოვალთ 1000-ზე
  • სეზონური გრიპი ჯერ არ არის. დღეს რაც ცირკულირებს, მათი 90 % არის კოვიდი. ძალიან ცოტა იყო ძველი კორონავირუსი, ასევე დაჭერილია ბოკავირუსი, ესეც გაციების გამომწვევი ერთ-ერთი ვირუსია. ასევე არის რინოვირუსი, რომელიც სურდოს იწვევს. ესენი არის ძალიან უმნიშვნელო რაოდენობით. პრაქტიკულად, ახლა ყველა გაციება არის კოვიდი...

    დაავადებათა ეროვნული ცენტრის ხელმძღვანელის მოადგილე პაატა იმნაძე.
    იმნაძე: სეზონური გრიპი ჯერ არ არის, დღეს, პრაქტიკულად, ყველა გაციება არის კოვიდი
  • ჩვენი პარტია და მე არ ვაპირებთ პარლამენტში შესვლას, თუ არ იქნება მკაფიოდ დაფიქსირებული არამარტო პოზიცია, არამედ უნდა შედგეს 8 მარტის ტიპის მემორანდუმი, ძალიან მყარი გარანტიებით ჩვენი საერთაშორისო პარტნიორებით, რომ ინიშნება ახალი არჩევნები. 

    მე პარლამენტში შევედი ქუჩიდან, ქუჩის საპროტესტო აქციები, ძალიან დიდი ბრძოლა, როგორც ჟურნალისტმა, თქვენმა კოლეგამ, გავიარე, თუ მკაფიო შეთანხმება არ შედგება, სადაც მკაფიოდვე ჩაიწერება, რომ ახალი არჩევნები ინიშნება, ისევ აღმოვჩნდები თქვენ რიგებში და იქიდან დავიწყებ ბრძოლას სისტემის წინააღმდეგ... 

    ამბობს პუტინისტური პარტია პატრიოტთა ალიანსის ლიდერი, ირმა ინაშვილი.
    ინაშვილი: თუ ახალი არჩევნები არ დაინიშნება, ჟურნალისტიკაში დავბრუნდები და იქიდან ვიბრძოლებ
  • რომ არ ყოფილიყო ქვეყანაში პოლიტიკური პროცესი, რა თქმა უნდა, შესაძლებელი იქნებოდა და უნდა ყოფილიყო, რომ შეზღუდვები დაგვეწესებინა უფრო ადრე.

    მაგრამ, იმის გამო, რომ ქვეყანაში იყო და არის პოლიტიკური პროცესი და ეს ხდება ოთხ წელიწადში ერთხელ - ყველაზე მნიშვნელოვანი არჩევნები, ქვეყანა წავიდა ამ გზით, რომ აქაც დანის პირზე ეარა, ერთის მხრივ პოლიტიკური პროცესი არ შეგვეჩერებინა, რადგან საკითხი ეხებოდა ყველაზე მნიშვნელოვან არჩევნებს და მეორეს მხრივ, ინფექციის მართვას.

    ამიტომ, რა თქმა უნდა, კი ბატონო, უკეთესი იქნებოდა, იგივე მეორე ტური რომ არ ყოფილიყო, ეს შეზღუდვები შეიძლება დაწესებულიყო ნოემბრის დასაწყისში და ალბათ, ეფექტს მეტს მივიღებდით, მაგრამ ახლა აუცილებლად დასაწესებელია...

    თქვა დაავადებათა კონტროლის ეროვნული ცენტრის ხელმძღვანელმა ამირან გამყრელიძემ საკოორდინაციო საბჭოს სხდომის დასრულების შემდეგ.
    გამყრელიძე: II ტური რომ არ ყოფილიყო, შეიძლება შეზღუდვები ნოემბრის დასაწყისში დაგვეწესებინა
  • [...] ჩვენ რომ გვეგონა, რომ ინფექცია, როგორც სხვა რესპირატორული ინფექციები გაქრებოდა ზაფხულში, თბილ პერიოდში... სინამდვილეში ეს ასე არ აღმოჩნდა, COVID 19 აღმოჩნდა ბევრად ვერაგი, ვიდრე ფიქრობდნენ მეცნიერები და ყველა, გაზაფხულზე...

    ამბობს დაავადებათა კონტროლისა და ეროვნული ცენტის ხელმძღვანელი, ამირან გამყრელიძე საკოორდინაციო საბჭოს სხდომის დასრულების შემდეგ გამართულ ბრიფინგზე.
    გამყრელიძე: COVID 19 ბევრად ვერაგი აღმოჩნდა, ვიდრე მეცნიერები ფიქრობდნენ გაზაფხულზე
  • პიკთან დაკავშირებით ჩვენ ვგეგმავთ გარკვეულ ღონისძიებებს. იცით, რომ მთავრობა გადის კონსულტაციებს შეზღუდვებთან დაკავშირებით. აქედან გამომდინარე, ჩვენი მიზანია, არ დაველოდოთ პიკს და მოვახდინოთ პიკის დროული შეჩერება, იმისთვის, რომ ამან საშუალება მისცეს სამედიცინო სექტორს, ჩვეულ რეჟიმში განაგრძოს მუშაობა...

    თქვა ჯანდაცვის მინისტრმა, ეკატერინე ტიკარაძემ საკოორდინაციო საბჭოს სხდომის დასრულების შემდეგ გამართულ ბრიფინგზე.
    ტიკარაძე: ჩვენი მიზანია, არ დაველოდოთ პიკს და მოვახდინოთ პიკის დროული შეჩერება
  • მიუხედავად იმისა, რომ საველე ჰოსპიტლებზე დიდი გამოხმაურებაა და სურვილი, რომ გავშალოთ, ჯანდაცვის სამინისტრო არ გეგმავს საველე ჰოსპიტლების გაშლას. ეს არაა ჩვენი მიზანი და ამოცანა, რადგან ჩვენ გვაქვს რესურსი, საავადმყოფოებში და სასტუმროებში მოვიძიოთ დამატებითი რესურსი...

    ამბობს ჯანდაცვის მინისტრი, ეკატერინე ტიკარაძე საკოორდინაციო საბჭოს სხდომის დასრულების შემდეგ გამართულ ბრიფინგზე.
    ტიკარაძე: საველე ჰოსპიტლების გაშლა არ იგეგმება, ვინაიდან რესურსი გვაქვს
  • ჩვენ ეს დღეები ძალიან ინტენსიურად ვმუშაობთ პრემიერმინისტრთან ერთად. ერთის მხრივ, ეპიდემიოლოგიური ვითარების გართულებიდან გამომდინარე წერტილოვან შეზღუდვებზე, გვინდა, ეს იყოს დაბალანსებული შეზღუდვები, მაგრამ ამავდროულად გვინდა, გადავტეხოთ ის ნეგატიური ტენდენცია, რაც გვაქვს, ინფიცირების ზრდის თვალსაზრისით. პარალელურად, ესე ვთქვათ, ვეძებთ ისეთ გზებს, რომ ბიზნესი ძალიან არ დავაზარალოთ და შევინარჩუნოთ მათი, ასე ვთქვათ, გაჯანსაღების ტენდენცია. ასევე, პარალელურ რეჟიმში და სწორედ აქედან გამომდინარე, ჩვენ ვმუშაობთ საკომპენსაციო პაკეტზე, რომელიც ერთის მხრივ, იქნება მიმართული მოქალაქეებზე, მეორეს მხრივ, იმ დარგებზე, რომელთა პრობლემებსაც ვხედავთ, ვხვდებით ყოველდღე და წერტილოვანი შეზღუდვები მოგვიწევს...

    ჩვენ ეს დღეები ძალიან ინტენსიურად ვმუშაობთ პრემიერმინისტრთან ერთად. ერთის მხრივ, ეპიდემიოლოგიური ვითარების გართულებიდან გამომდინარე წერტილოვან შეზღუდვებზე, გვინდა, ეს იყოს დაბალანსებული შეზღუდვები, მაგრამ ამავდროულად გვინდა, გადავტეხოთ ის ნეგატიური ტენდენცია, რაც გვაქვს, ინფიცირების ზრდის...
    თურნავა: ვეძებთ გზებს, რომ ბიზნესი ძალიან არ დავაზარალოთ
  • რატომღაც, ყოველი წლის ბოლოს, მიზანმიმართულად ხდება ოპონენტებისგან მცდელობა, რომ ახალი ბიუჯეტის წარდგენა საკრებულოში წარმოაჩინონ ისე, რომ თითქოს, დავიღუპეთ, მუნიციპალიტეტის ბიუჯეტი მცირდება და ა.შ. ამაზე გაკეთდა განმარტებები, თუმცა მინდა, საზოგადოებას კიდევ ერთხელ ავუხსნა, რომ ეს თანხა - 840 მილიონი ლარი, რომელიც გაიგზავნა, არის პირველადი ბიუჯეტი. ჩვენ, ყოველ წელს, ცენტრალური ხელისუფლებისგან გვაქვს მხარდაჭერა და თანადგომა, რადგან ყველას კარგად გვესმის, რომ მხოლოდ მუნიციპალიტეტის შემოსავლებით ვერ შევძლებთ იმ პრობლემებს და გამოწვევებს ვუპასუხოთ, რაც გვაქვს. ამისთვის გვჭირდება ხოლმე ცენტრალური ხელისუფლების მხარდაჭერა. დარწმუნებული ვარ, რომ წლევანდელი ბიუჯეტი, პირველადთან შედარებით, იქნება განსხვავებული, უფრო მეტი და შეგვეძლება მეტი პროექტის განხორციელება სხვადასხვა მიმართულებით. ეს ეხება ინფრასტრუქტურულ სამუშაოებს და სხვა საჭიროებებს. 

    მომდევნო დღეების განმავლობაში ჩვენ გვექნება ზუსტი ოდენობა, თუ რამდენი იქნება 2021 წლის მუნიციპალიტეტის ბიუჯეტი. ყველაფერს ვაკეთებთ იმისთვის, რომ საკრებულოში წარდგენილ პირველად ბიუჯეტთან შედარებით, ციფრი იყოს განსხვავებული. დარწმუნებული ვარ, ასეც იქნება და ქალაქისთვის ბევრი საჭირო და მნიშვნელოვანი პროექტის განხორციელების შესაძლებლობა მოგვეცემა...

    თქვა თბილისის მერმა, კახა კალაძემ დედაქალაქის მთავრობის სხდომაზე.
    კალაძე: ოპონენტები ყოველი წლის ბოლოს ცდილობენ, ბიუჯეტის წარდგენა წარმოაჩინონ, რომ დავიღუპეთ
  • ჩვენ ასეთი მიდგომა და დამოკიდებულება გვაქვს - რასაც ვეუბნებით მოსახლეობას, იმას ვაკეთებთ. არის ისეთი რაღაცები, სადაც დღეს არ შეგვეძლოს კონკრეტული ნაბიჯების გადადგმა, მაგრამ ამის თქმის არ გვერიდება და ეს არის სწორი დამოკიდებულება, რომ საზოგადოებამ იცოდეს ის, რასაც აკეთებ. რასაც ჰპირდები და ასრულებ დანაპირებს, მაგრამ ისიც უნდა უთხრა, კონკრეტულ რაღაცას რატომ ვერ აკეთებ და რა არის ამის მიზეზი და როდის გააკეთებ. ეს კომუნიკაცია მნიშვნელოვანია... 

    დედაქალაქის მერი, კახა კალაძე თბილისის მთავრობის სხდომაზე.
    კახა კალაძე: რასაც ვეუბნებით მოსახლეობას, იმას ვაკეთებთ
  • წასვლას არ ვაპირებ. მე არ ვთვლი, რომ არ გამომდის საქმე, ნამდვილად ვთვლი, რომ ვაკეთებ ყველა საჭირო ქმედებას იმისთვის, რომ ქვეყანაში წარმატებულად წარიმართოს კოვიდპანდემიასთან მიმართებით ყველა ქმედება. ვთვლი, რომ კიდევ ძალიან ბევრი რამე არის გასაკეთებელი და ამიტომ, ჯანდაცვის სისტემას სჭირდება ის რეფორმები, რომელიც მე მაქვს დაგეგმილი...

    ჯანდაცვის მინისტრი ეკატერინე ტიკარაძე რუსთავი 2-თან ინტერვიუში.
    ტიკარაძე: არ ვთვლი, რომ არ გამომდის საქმე, ვაკეთებ ყველა საჭირო ქმედებას
  • რეალისტები თუ ვიქნებით, კოვაქს პლატფორმით, რომელშიც ვართ გაწევრიანებულები, ჩვენ ველოდებით, რომ სადღაც მარტი-აპრილის თვეში შეიძლება იყოს ვაქცინა საქართველოში. პირველი შენატანი გაკეთებული გვაქვს, ეს არის 700 000 ადამიანის სამყოფი დოზა, რა თქმა უნდა, პირველ რიგში აიცრებიან ექიმები და ყველაზე მაღალი რისკის ჯგუფები - ხანშიშესულები და ქრონიკული დაავადებების მქონე ადამიანები...

    დაავადებათა კონტროლის ეროვნული ცენტრის დირექტორის მოადგილე პაატა იმნაძე რუსთავი 2-ის ეთერში.
    იმნაძე: რეალისტები თუ ვიქნებით, Covid19-ის ვაქცინა შეიძლება მარტი-აპრილში იყოს საქართველოში
  • ორჯერ-სამჯერ მეტია. ჩვენი გათვლებით, ახლა დღეში 10 000-მდე მაინც არის ახალი შემთხვევა, ეს არის ის, რაც ახლა რეალურად ხდება, ეს ადამიანები არიან უსიმპტომოები და ძალიან მსუბუქები...

    დაავადებათა კონტროლის ეროვნული ცენტრის დირექტორის მოადგილემ, პაატა იმნაძემ რუსთავი 2-ის ეთერში თქვა, რომ ქვეყანაში ინფიცირებულთა ყოველდღიური რაოდენობა გაცილებით მეტია, ვიდრე ოფიციალურად დასტურდება.
    იმნაძე: ჩვენი გათვლებით, ახლა დღეში 10 000-მდე ახალი შემთხვევა მაინც არის
  • გაზაფხულზე კითხვები იყო ეკლესია, ეკლესია, ახლა აქცია, აქცია... ჩემთვის არ აქვს მნიშვნელობა, ვინც იკრიბება, სადაც არ უნდა შეიკრიბოს, რომელიც არ იცავს ელემენტარულ წესებს, ანუ ნიღაბს და დისტანციას, ყველას მიუძღვის ბრალი.

    რესტორანში რომ ქეიფები და 300-400 კაციანი ქორწილები იყო, მერე, ქუჩაში რომ იყვნენ... სადაც არ უნდა იყვნენ, ჩემთვის რა მნიშვნელობა აქვს, მე ვამბობ ყველასთვის ერთნაირად და გასაგებად, სადაც ბევრი ხალხი იკრიბება, მითუმეტეს, სადაც მერე წესს არ იცავს არავინ, ეს არის პრობლემა...

    რუსთავი 2-მა პაატა იმნაძეს ვიცეპრემიერ მაია ცქიტიშვილის განცხადების შეფასება სთხოვა. ცქიტიშვილმა თქვა, რომ ინფიცირების შემთხვევების ზრდა ოპოზიციის უპასუხისმგებლო აქციებს უკავშირდება. აღსანიშნავია, რომ არჩევნების შემდეგ გამართულ აქციებზე ორგანიზატორები მონაწილეებს მოუწოდებდნენ, პირბადეები...
    იმნაძე აქციებზე: ვინც იკრიბება და არ იცავს წესებს, ყველას მიუძღვის ბრალი
  • შეიძლება ზედმეტად გვეგონა, რომ მოსახლეობა გაითავისებდა პრობლემებს და დაგვიჯერებდა, სამწუხაროდ, აღმოჩნდა, რომ არა. მეტი სიმკაცრე უნდა ყოფილიყო...

    დაავადებათა კონტროლის ეროვნული ცენტრის დირექტორის მოადგილე, პაატა იმნაძე რუსთავი ორის ეთერში.
    იმნაძე: მეტი სიმკაცრე უნდა ყოფილიყო, შეიძლება გვეგონა, რომ მოსახლეობა დაგვიჯერებდა
  • ბევრი ვარიანტი განვიხილეთ, კონსულტაციები ისევ გრძელდება... განიხილებოდა საკმაოდ ბევრი სხვადასხვა კომბინაცია, სხვადასხვა დროის, სხვადასხვა ინტენსივობის. კონსულტაციები კიდევ გაგრძელდება და [გადაწყვეტილება] გამოცხადდება ალბათ, ხვალ...

    დაავადებათა კონტროლის ეროვნული ცენტრის დირექტორის მოადგილე პაატა იმნაძე მთავრობის ადმინისტრაციაში გამართული შეხვედრის დასრულების შემდეგ, რუსთავი 2-ის ეთერში.
    იმნაძე შეზღუდვებზე: ბევრი ვარიანტი განვიხილეთ, გადაწყვეტილება ალბათ ხვალ გამოცხადდება
  • ჩემთვის ბიძინა ივანიშვილი და პაატა იმნაძე ერთმანეთისგან აღარ განსხვავდება, ერთიც მატყუებდა და მეორეც მატყუებს. სად არის პაატა იმნაძე, რატომ არ აპროტესტებს იმას, რომ თურმე ყველაზე უსაფრთხოდ ამ ქვეყანაში ივანიშვილი უნდა იყოს? ეს ვიცოდით, მაგრამ ამას უკვე დემონსტრირებენ. არ აქვს პროტესტი?...

    ენმ-ის ლიდერი ნიკა მელია TV პირველის ეთერში.
    მელია: ჩემთვის ივანიშვილი და იმნაძე აღარ განსხვავდება, ერთიც მატყუებდა და მეორეც მატყუებს
  • მინდა, მჯეროდეს ოპოზიციის გონივრულობის, რომ მიიღებენ სწორ გადაწყვეტილებას ისევ და ისევ ჩვენი ქვეყნის ინტერესებიდან გამომდინარე, თორემ მარტო ჩვენ რომ მოგვიწიოს დარჩენა პარლამენტში, აქაც ვერ ვხედავ პრობლემას. თუმცა, დიდი იმედი მაქვს, ისინი ამ გადაწყვეტილებას მიიღებენ და პარლამენტში დავიწყებთ ერთობლივად მუშაობას იმ მნიშვნელოვან რეფორმებზე და განსახორციელებელ პროექტებზე, რომელიც ჩვენს ქვეყანას სჭირდება...

    თქვა საზოგადოებრივი მაუწყებლის ცნობით, თბილისის მერმა კახა კალაძემ ოპოზიციის ბოიკოტზე. მანვე აღნიშნა, რომ მომდევნო დღეებში ცხადი იქნება, როდის გაიმართება მოლაპარაკების მესამე რაუნდი. კალაძის თქმით, "როგორც ხელისუფლება, ასევე ოპოზიციის წარმომადგენლები აცნობიერებენ, რომ აუცილებელია, მოხდეს შეთანხება...
    კალაძე: მინდა მჯეროდეს ოპოზიციის გონივრულობის, თორემ პარლამენტში მარტო ყოფნაც არაა პრობლემა
  • გულსატკენია, ახლა რასაც ვიტყვი, მაგრამ ვიღაცამ მოისურვა ამ სიტუაციის დამძიმება ხელოვნურად და პირდაპირ დასვა ამ არჩევნების ჩარჩოზე. გული მტკივა, მაგრამ ოპოზიციურმა ფრთამ დემონსტრაციებით და აქციებით ყველაფერი გააკეთა, რომ სიტუაცია დამძიმებულიყო, რამეთუ მათ იცოდნენ რეკომენდაციების დონეზე, რომ თავყრილობები არასასურველია, რომ შესანიშნავი გარემოა იმისთვის, რომ ამ დაავადებამ თავისი ფრთები გაშალოს...

    თქვა ქართული ოცნების დეპუტატმა ლადო კახაძემ, ინტერპრესნიუსის ცნობით. აღსანიშნავია, რომ არჩევნების შედეგების გამოცხადების შემდეგ დაწყებულ აქციებზე ორგანიზატორები მონაწილეებს მოუწოდებდნენ, პირბადეები გაეკეთებინათ. ასევე, ყველა გამომსვლელის შემდეგ მიკროფონს დეზინფექციას უტარებდნენ. გარდა ამისა,...
    კახაძე: ოპოზიციამ აქციებით ყველაფერი გააკეთა, რომ ეპიდემიოლოგიური სიტუაცია დამძიმებულიყო
  • ჩვენ სეკულარულ სახელმწიფოში ვცხოვრობთ, პოლიტიკა პოლიტიკის საქმეა, ეკლესიას ეკლესიის საქმე აქვს, სხვადასხვა საკითხებია და რაც ყველაზე მნიშვნელოვანია, მოდერატორები გვყავს, პრობლემა მოდერატორებში არ არის, პრობლემა არის ქართულ ოცნებაში, რომელსაც არ უნდა, ადეკვატურად დაინახოს ქვეყანაში არსებული პრობლემები...

    ამბობს სტრატეგია აღმაშენებლის ლიდერი, გიორგი ვაშაძე, ტვ პირველის ეთერში. მეუფე იაკობმა დღეს თქვა, რომ ეკლესია არის ის ადგილი, სადაც გაერთიანება შეიძლება მოხდეს.
    ვაშაძე მეუფე იაკობის შეთავაზებაზე: პოლიტიკა პოლიტიკის საქმეა, ეკლესიას ეკლესიის საქმე აქვს
  • ჩატარდა არჩევნები, მე არ შევეხები იმას, არ ვაპირებ მტყუან-მართალი ვარჩიო. არჩევნებმა არ უნდა გაგვყოს, არჩევნებმა უნდა გაგვაერთიანოს და ჩვენც უნდა ვეცადოთ, რომ თუ გარეთ ვერ ვპოულობთ გამოსავალს, მარტო უცხოელებთან მისვლა არ არის საკმარისი, მათ შეუძლიათ ჩვენთანაც მოვიდნენ. ეკლესია არის ის ადგილი, სადაც შეიძლება მოხდეს გაერთიანება. ხომ ხედავენ, რომ არ ჩავრეულვართ არც ერთ მხარეს ამ არჩევნებზე. ღმერთმა ყველა დალოცოს და შევთხოვ უფალს, გონიერმა გულმა გაიმარჯვოს ქართველებში. შევხედოთ ირგვლივ რა სიტუაციაა, საბოლოო ჯამში, რაც არ უნდა ვიძახოთ, კარგი გვინდა ქვეყნისთვისო, მაინც მტრის წისქვილზე დავასხამთ წყალს. ჩიხური მდგომარეობა, ძალით თუ არ შედიხარ ჩიხში, არ არსებობს. რაღაც გამოსავალი უნდა ვნახოთ... 

    ბოდბელი ეპისკოპოსი, მეუფე იაკობი ქართულ ოცნებასა და ოპოზიციას შორის გამართულ მოლაპარაკებებზე.
    მეუფე იაკობი მოლაპარაკებებზე: უცხოელებთან მისვლა საკმარისი არაა, ჩვენთანაც მოვიდნენ
  • პირდაპირ გეტყვით, რომ ჩვენ 4 000-მდე არ გვაქვს. უფრო მეტი გვაქვს. 4000 ეს არის, რაც ვლინდება და დიაგნოსტირდება. რომ დაგისახელეთ HealthMetrics-ის კვლევები, იქ შეგიძლიათ, ნახოთ, ისინი გვეუბნებიან, რომ მეტი გვაქვს. 

    ეს 4 000 ის ადამიანებია, ვისაც სიმპტომები აწუხებს, მიდიან დასატესტად და ასე შემდეგ. დანარჩენების უმრავლესობა არის ან უსიმპტომო, ან მსუბუქი შემთხვევები, რომლებსაც გადააქვთ სახლში და მათი დიაგნოსტირება არ ხდება. ეს არ არის მხოლოდ კოვიდის დროს, ეს ხდება გრიპის დროს, სხვა ვირუსული ინფექციების დროს, სხვა დაავადებების დროს...

    დაავადებათა კონტროლის ეროვნული ცენტრის დირექტორი, ამირან გამყრელიძე ყოველდღიურ შემთხვევებზე.
    გამყრელიძე: დღეში 4 000 შემთხვევაზე უფრო მეტი გვაქვს, 4 000-ს სიმპტომები აქვს და ვლინდება
  • საზოგადოების ავადმყოფი ნაწილი ინტენსიურად მირეკავს და თავისი საქციელით მღელვარედ მიდასტურებს, რომ ნამდვილად ავადაა და დიაგნოზი არ არის დამაიმედებელი...

    დაწერა რესპუბლიკური პარტიის წევრმა, ლევან ბერძენიშვილმა. მან 23 ნოემბერს მთავარი არხის ეთერში თქვა, რომ ვინც მხარი დაუჭირა ქართულ ოცნებას, ნაციის სამარცხვინო, ავადმყოფი ნაწილია.
    ბერძენიშვილი: საზოგადოების ავადმყოფი ნაწილი მირეკავს და საქციელით მიდასტურებს, რომ ავადაა
  • პრეზენტაციის დღესაც აღნიშნული იყო, რომ რობოტი პეპერი არის ციფრული ტექნოლოგიებისა და ტელემედიცინის სიმბოლო. კოვიდის პერიოდში ჩვენ ონლაინკლინიკის ფარგლებში ტელემედიცინის კომპონენტებს ვიყენებთ. ეს არ გულისხმობდა, რომ რობოტ პეპერს, დღეის მდგომარეობით, თქვენ საქართველოს რომელიმე კლინიკაში დაინახავდით. ჩვენ ვგულისხმობდით, რომ ტელემედიცინის სიმბოლო ჩართული იქნებოდა პაციენტების მკურნალობის კომპონენტში, რაც დღეს ფუნქციონირებს...

    ამბობს ჯანდაცვის მინისტრი, ეკატერინე ტიკარაძე. მინისტრმა რობოტი პეპერი 18 ივნისს წარადგინა - მისი თქმით, რობოტი ექიმებს კორონავირუსის დამარცხებაში დაეხმარებოდა.
    ტიკარაძე: რობოტი პეპერი ტელემედიცინის სიმბოლოა – ჩართულია პაციენტის მკურნალობაში
  • ტესტირების რაოდენობა შაბათ-კვირას და განსაკუთრებით სადღესასწაულო დღეებში ეცემა, გუშინ და გუშინწინ PCR და ანტიგენის ტესტი ერთად გვქონდა 7-8 000-ის ფარგლებში, როცა კვირის სხვა დღეებში გვაქვს 12-13 000.

    ასე რომ ეს რაოდენობა, 3128, გთხოვთ, ნუ დაგვამშვიდებს, კლება ჯერ არ არის, პირიქით, მატებაა და მატება კიდევ გაგრძელდება, იმიტომ, რომ ჩვენ შევდივართ უკვე პიკში და პიკი რამდენ ხანს გაგრძელდება, ჩვენ ეს არ ვიცით...

    დაავადებათა კონტროლის ეროვნული ცენტრის დირექტორი ამირან გამყრელიძე.
    გამყრელიძე: სადღესასწაულო დღეებში ცოტა ტესტი ტარდება, მატება გაგრძელდება, პიკში შევდივართ
  • დღეის მდგომარეობით გვაქვს 1040 სასუნთქი აპარატი. რეანიმაციული პაციენტი გვყავს 227. აქედან გამომდინარე, სასუნთქი აპარატების დეფიციტი ქვეყანაში არ არის. საჭიროების შემთხვევაში ქვეყანაში არის 2500 სასუნთქი აპარატი და მათი დამატებითი მობილიზება შესაძლებელი იქნება იმ კლინიკებში, რომლებიც ჩართულები არიან კოვიდეპიდემიის მართვაში... 

    ჯანდაცვის მინისტრი ეკატერინე ტიკარაძე საკოორდინატო საბჭოს სხდომის დასრულების შემდეგ.
    ტიკარაძე: დამატებით 2500 სასუნთქი აპარატი გვაქვს, ქვეყანაში დეფიციტი არ არის