საქართველოს შინაგან საქმეთა სამინისტრო ავრცელებს განცხადებას, რომელშიც საუბარია 6 აგვისტოს ღამეს მომხდარ ინციდენტზე. კერძოდ, შპს ბურჯის ცალკეულმა თანამშრომლებმა (ამჟამად დაუდგენელმა პირებმა) ხელი შეუშალეს აღსრულების ბიუროს წარმომადგენლებს, რომლებიც სააღსრულებო პროცესს აწარმოებდნენ, ავტომანქანების ტრანსპორტირების დროს.
„ საპატრულო პოლიციამ უზრუნველყო კანონიერების დაცვა და ავტომობილების ტრანსპორტირება. სააღსრულებო ღონისძიებებისთვის ხელის შეშლის ფაქტზე დაწყებულია გამოძიება,“ - აღნიშნულია შინაგან საქმეთა სამინისტროს განცხადებაში.