NDI-ს სოციოლოგიური გამოკითხვის შედეგების მიხედვით, გამოკითხულთა 77% მზადაა მონაწილეობა მიიღოს 2012 წლის საპარლამენტო არჩევნებში.
კითხვაზე- ხვალ რომ 2012 წლის საპარლამენტო არჩევნები ტარდებოდეს, მიიღებდით თუ არა მონაწილეობას, აგვისტოს თვის მონაცემებით, გამოკითხულთა 77% დადებითად პასუხობს, ხოლო 23% უარყოფითად. თებერვალში ამავე კითხვაზე დადებითად გამოკითხული მოსახლეობის 64% პასუხობდა. ივნისის თვეში დადებითი პასუხი 75%-მა გასცა, ხოლო უარყოფითი 25%-მა. 2011 წლის სექტემბერში ჩატარებული გამოკითხვის დროს კი, კითხვას დადებითად მოსახლეობის მხოლოდ 51% პასუხობდა, ხოლო დანარჩენი 49%-უარყოფითად.
კითხვაზე- ხვალ რომ საპრეზიდენტო არჩევნები ტარდებოდეს, მიიღებდით თუ არა მონაწილეობას, რესპონდენტთა 77% დადებითად პასუხობს, 23% უარყოფითად. ამავე კითხვაზე დადებითად თებერვალში გამოკითხულთა 68% პასუხობდა.
NDI-ის საზოგადოებრივი აზრის კვლევა 31 ივლის-12 აგვისტოს პერიოდში ჩატარდა. მასში მონაწილეობა 2038 რესპოდენტმა მიიღო, კვლევის ცდომილება 3%-ია.