ეროვნულ დემოკრატიულმა ინსტიტუტმა (NDI), სასტუმრო ქორთიარდ მარიოტში, საზოგადოებრივი აზრის კვლევის შედეგები წარმოადგინა.
ციხიდან 8000-ზე მეტი პატიმრის გათავისუფლებას გამოკითხული მოსახლეობის 49% ემხრობა, 37%-ისთვის კი მიუღებელია.
ამნისტია მიუღებელია ქართული ოცნების მომხრეთა 28%-ის, ხოლო ნაციონალური მოძრაობის მომხრეთა 70%-ისთვის.
კვლევა ქვეყნის მასშტაბით, 13-27 მარტის პერიოდში ჩატარდა და მის ფარგლებში შემთხვევითი შერჩევით 3,103 ადამიანი გამოიკითხა. კვლევის ცდომილება 2.5%-ს შეადგენდა. იგი კავკასიის კვლევითი რესურსების ცენტრმა ჩაატარა და შვედეთის განვითარების ფონდის მიერ არის დაფინანსებული. წინა კვლევა არასამთავრობო ორგანიზაციამ 2012 წლის ნოემბერში წარმოადგინა.