საქართველოს პრემიერმინისტრი, ბიძინა ივანიშვილი, აბორტის ამკრძალავი კანონის მიღების თაობაზე პატრიარქის მოწოდებას გამოეხმაურა. როგორც ივანიშვილმა ჟურნალისტებს განუცხადა, აბორტის აკრძალვა დემოგრაფიული პრობლემის გადამწყვეტი არ არის.
"მარტო ეს არ არის დემოგრაფიული პრობლემის გადამწყვეტი. დემოგრაფიული პრობლემის გადაჭრას სჭირდება ის, რასაც მე მუდმივად გავიძახი. ეს არის ეკონომიკა. ეკონომიკის აღორძინება უნდა მოხდეს, ოჯახებს მეტი შესაძლებლობა უნდა ჰქონდეს და ამაზე სახელმწიფომ უნდა იზრუნოს", - განაცხადა ივანიშვილმა.
მისივე თქმით, სწორია, რომ პატრიარქი ამ თემას ყურადღებას აქცევს.
შეგახსენებთ, საქართველოს კათოლიკოს-პატრიარქმა, ილია მეორემ, სააღდგომო ეპისტოლეში ვრცელი ადგილი აბორტის თემას დაეთმო. პატრიარქმა მთავრობას მოუწოდა, აბორტი კანონის მეშვეობით აკრძალოს (გამონაკლისების გათვალისწინებით)
პრემიერმინისტრი