პრემიერმინისტრი ბიძინა ივანიშვილი, ნოდარ დუმბაძის 85-ე წლისთავთან დაკავშირებით ჩოხატაურის რაიონს ეწვია. პრემიერი ნოდარ დუმბაძის სახლ-მუზეუმში სიტყვით გამოვიდა და სოფელ ხიდისთავის მოსახლეობას გზის რეაბილიტაციას დაჰპირდა.
"სირცხვილია, რომ ნოდარ დუმბაძის სახლ-მუზეუმთან მისასვლელი გზა პრაქტიკულად არ არის. გზის მშენებლობა ხვალიდან დაიწყება", - განაცხადა ბიძინა ივანიშვილმა.
პრემიერმა სიტყვით გამოსვლისას, ნოდარ დუმბაძის შემოქმედებაზეც ისაუბრა და მისი ნაწარმოებებიდან ამონარიდები წაიკითხა.
ნოდარ დუმბაძის სახლ-მუზეუმში შეკრებილებს, ქართული ოცნების საპრეზიდენტო კანდიდატმა გიორგი მარგველაშვილმაც მიმართა და განაცხადა, რომ საარჩევნო კამპანიის ფარგლებში მოსახლეობასთან ინტენსიურ შეხვედრებს გამართავს..