საქართველოს პრეზიდენტმა, ნასამართლობისა და პირობითი მსჯავრის მოხსნის კიდევ ერთი აქტი, მსურველთა სიმრავლის გამო, გამოსცა.
პრეზიდენტის ადმინისტრაციის უფროსის, ანდრო ბარნოვის თქმით, პრეზიდენტის პირველი განცხადების შემდეგ მიმართვა ადმინისტრაციაში 18 000-ზე მეტმა პირმა შეიტანა, თუმცა 2 ოქტომბრის შემდეგ აღნიშნული რიცხვი კიდევ 5 000-ით გაიზარდა. ბარნოვის თქმით, პრეზიდენტმა კიდევ ერთი ახალი აქტი სწორედ ამიტომ გამოსცა."ინდივიდუალური ამონაწერების გაცემა დაიწყება ორშაბათიდან და პარალელურ რეჟიმში ჩვენ განცხადებების მიღებას გავაგრძელებთ შეწყალებაზე", - თქვა ბარნოვმა.
პრეზიდენტის ადმინისტრაციის უფროსი არ გამორიცხავს, რომ განცხადებების სიმრავლის შემთხვევაში მიხეილ სააკაშვილმა შეწყალების დამატებითი აქტი კიდევ გამოსცეს.