ქუთაისის საქალაქო სასამართლოში დასაქმების პროგრამასთან დაკავშირებით ვანო მერაბიშვილისა და ზურაბ ჭიაბერაშვილის სასამართლო პროცესი გაიმართა. დღევანდელ პროცესზე თავად ყოფილი პრემიერმინისტრი დაიკითხა. მერაბიშვილის დაკითხვა 4 საათის განმავლობაში მიმდინარეობდა.
ყოფილმა პრემიერმა დაკითხვისას დეტალურად ისაუბრა დასაქმების პროგრამასთან დაკავშირებით. მერაბიშვილმა კვარიათის ეპიზოდთან დაკავშირებითაც მისცა ჩვენება.
მერაბიშვილის დაკითხვის შემდეგ დაცვის მხარემ კიდევ ორი მოწმე წარმოადგინა - სამცხე-ჯავახეთისა და შიდა ქართლის ყოფილი გუბერნატორები. სასამართლო პროცესი დაძაბულ და ემოციურ ფონზე მიმდინარეობდა. სხდომაზე მერაბიშვილმა განაცხადა, რომ მისი ოჯახის წევრებზე ზეწოლა ხორციელდება.