Apple 9 სექტემბერს დიდი ხნის წინ დაანონსებულ iPhone 6-ის პრეზენტაციას გეგმავს, თუმცა ამ დროისთვის მისი აქციების ფასი ერთ დღეში 4%-ით შემცირდა, რისი სავარაუდო მიზეზიც iCloud-იდან ჰოლივუდის ვარსკვლავების პირადი ცხოვრების ამსახველი ფოტოების გავრცელება შეიძლება იყოს.
Apple-ის აქციებმა შემცირება 2 სექტემბერს ფოტოების გავრცელების შემდგომ დღეს დაიწყო. კომპანიას საკუთარი მონაცემთა ბაზების არასათანადო დაცვაში ადანაშაულებენ.
Apple iPhone 6-ის მობილურ საფულედ ქცევას გეგმავს, ამასთან ერთად, შეუძლია პიროვნების ბიომეტრიული მონაცემები შეინახოს. სავარაუდოდ, ეს ინფორმაციაც Apple-ის მონაცემთა ბაზებში შეინახება, რომლის საიმედოობა გავრცელებულმა ფოტოებმა ეჭვქვეშ დააყენა.
