ბოლო ორი დღის განმავლობაში ამერიკის შეერთებულმა შტატებმა ერაყსა და სირიაში ე.წ. ისლამური სახელმწიფოს პოზიციები 31-ჯერ დაბომბა.
ერაყის ქალაქ მოსულის მახლობლად სულ 16 ოპერაცია ჩატარდა, რომლის შედეგადაც ISIS-ის ტაქტიკური ერთეულები, სამხედრო მანქანები, ხიდები და საარტილერიო სისტემები განადგურდა.
გასული ღამის განმავლობაში კოალიციის ძალებმა ისლამისტების პოზიციები ქალაქ კობანესთანაც დაბომბეს. ასევე ISIS-ის გამოცხადებულ დედაქალაქ რაქქას მახლობლად განადგურებულია იარაღის საწყობი.
ერაყში ამერიკის ელჩის განცხადებით, საჰაერო დარტყმებმა ISIS-ზე გამანადგურებელი ეფექტი იქონია. შეერთებული შტატების მოხელეების ინფორმაციით, საჰაერო დარტყმების შედეგად 6 000-მდე მებრძოლი მოკლეს, მათ შორის, ხელმძღვანელი პირების თითქმის ნახევარი.
თავდაცვის მდივანს ჩაკ ჰეიგელს მოკლული მებრძოლების რიცხვი არ დაუდასტურებია, თუმცა აღნიშნა, რომ ოპერაციების შედეგად მართლაც ათასობით მეომარი განადგურდა.
ISIS