ისლამურის სახელმწიფოს მებრძოლებმა პალმირას უძველეს ამფითეატრში 20 ადამიანი დახვრიტეს. ინფორმაცია ამის შესახებ სირიის ერთ-ერთმა უფლებადამცველმა ორგანიზაციამ გაავრცელა. აქტივისტების მონაცემებით, ისლამისტების მიერ ქალაქის აღების შემდეგ მათ 240-მდე ადამიანი, მათ შორის ქალები და ბავშვები მოკლეს.
ისლამისტებმა ვიდეო- და ფოტომასალა გაავრცელეს, რომელზეც პალმირას არქიტექტურული ძეგლები უვნებელი ჩანს, თუმცა, სირიის ხელისუფლება ეჭვობს, რომ ძეგლების ნაწილი განადგურებულია.
