ოდესის გუბერნატორმა მიხეილ სააკაშვილმა დღეს საკუთარი მოადგილის პოსტზე ცნობილი რუსი ოპოზიციონერი მარია გაიდარი წარადგინა.
32 წლის გაიდარი რუსეთის ყოფილ პრემიერის, ეგორ გაიდარის შვილია. იგი რუსეთში ოპოზიციურ მოძრაობაში მონაწილეობდა, 2009-2011 წლებში კიროვის გუბერნატორის მოადგილე იყო, გადადგომის შემდეგ ჰარვარდის უნივერსიტეტში სწავლობდა.
სააკაშვილის თქმით, გაიდარმა პრეზიდენტ პოროშენკოს მოქალაქეობის თხოვნით უკვე მიმართა.
