მდინარე დიღმულას ხიდის რეკონსტრუქციის გამო მარშალ გელოვანის გამზირის ნაწილის 120 დღით დაკეტვასთან დაკავშირებით განცხადებას შინაგან საქმეთა სამინისტრო ავრცელებს.
"თბილისში, მდინარე დიღმულას ხიდის რეკონსტრუქციასთან დაკავშირებით, 7 აგვისტოდან, 120 დღით მარშალ გელოვანის გამზირის ნაწილი დაიკეტება, რის გამოც აღმაშენებლის ხეივნიდან საბურთალოს მიმართულებით მოძრაობა დროებით გადაერთო სოფელ დიღმის ასახვევიდან, ვაშლიჯვარში გადამსვლელი ხიდის გავლით, გოძიაშვილის ქუჩაზე (ქ. თბილისის მთავარი სამმართველოს გამოსასვლელამდე)", - წერია განცხადებაში.
შსს-ს ინფორმაციით, მძღოლებს ასევე შეუძლიათ იმოძრაონ რობაქიძის გამზირზე, ბაქრაძის ქუჩის გავლით, ვეფხვისა და მოყმის ძეგლის მიმართულებით.
