"ვალდაის" სადისკუსიო კლუბის სხდომაზე რუსეთის პრეზიდენტმა ვლადიმირ პუტინმა აღნიშნა, რომ NATO სამხედრო ბლოკია და მისი ინფრასტრუქტურის მოახლოება რუსეთს აშფოთებს.
"განა ჩვენ წინააღმდეგი ვართ ჩვენს საზღვრებთან დემოკრატიის მოახლოების? თქვენ რა, დემოკრატიაში NATO-ს ჩვენს საზღვრებთან მოახლოებას გულისხმობთ? ეს დემოკრატიაა? NATO სამხედრო ბლოკია. ჩვენ არა დემოკრატიის, არამედ NATO-ს სამხედრო ინფრასტრუქტურის ჩვენს საზღვრებთან მოახლოება გვაშფოთებს", - თქვა პუტინმა.
"ვალდაის" საერთაშორისო სადისკუსიო კლუბის შემაჯამებელ სხდომაზე პრეზიდენტმა პუტინმა ასევე ისაუბრა სირიისა და უკრაინის კონფლიქტებისა და ტერორიზმთან ბრძოლის საკითხებზე.
