ყიფშიძეზე მომხდარ მკვლელობაში ეჭვმიტანილი დაკავებულია. სამართალდამცველებმა 25 წლის მამაკაცი ზესტაფონში დააკავეს. ამის შესახებ ინფორმაციას შსს ავრცელებს.
გამოძიება განზრახ მკვლელობის და იარაღის მართლსაწინააღმდეგო შეძენა-შენახვა-ტარების ფაქტზე საქართველოს სისხლის სამართლის კოდექსის 108-ე და 236-ე მუხლებით მიმდინარეობს.
ცნობისათვის, დღეს ყიფშიძის ქუჩაზე პროფილაქტიკის თანამშრომელი დაჭრეს, რომელიც მოგვიანებით საავადმყოფოში გარდაიცვალა. რუსთავი 2-ის ცნობით, შემთხვევა მას შემდეგ მოხდა, რაც პროფილაქტიკაში მისულ მამაკაცს ხელოსანმა უთხრა, რომ არ ეცალა და მას რიგის დაკავება სთხოვა.
