საქართველოს საგარეო საქმეთა სამინისტროს ცნობით, ამ ეტაპზე გერმანული მხარე დაღუპულთა და დაშავებულთა შორის საქართველოს მოქალაქეების არსებობას არ ადასტურებს.
უწყების ცნობით, ბერლინში მომხდარ თავდასხმასთან დაკავშირებით, გერმანიაში საქართველოს საელჩოში მოქმედებს ცხელი ხაზი: +49 (0) 162 8855303.
ასევე 24 საათიანი ცხელი ხაზი მოქმედებს საგარეო საქმეთა სამინისტროს საკონსულო დეპარტამენტში: (+995 32) 294 50 50.
"გერმანიის ფედერაციულ რესპუბლიკაში საქართველოს საელჩო მუდმივ კავშირზეა გერმანიის საგანგებო სიტუაციების სამსახურის პირველადი რეაგირების ჯგუფთან" - ნათქვამია სამინისტროს განცხადებაში.
ცნობისთვის, ბერლინში, ზოოპარკთან, საშობაო ბაზრობის ტერიტორიაზე სატვირთო ავტომანქანა შევარდა. შედეგად, მინიმუმ ცხრა ადამიანი დაიღუპა და 50 - დაშავდა.
ადგილზე მობილიზებულია პოლიციის და სასწრაფო დახმარების მანქანები. ტერიტორიიდან ხალხის ევაკუაცია მიმდინარეობს.