მინერალური წყალი ბორჯომი დღეიდან ბაზარზე ალუმინის ქილებში გამოჩნდება. კომპანიის ჩამომსხმელ ქარხანაში ალუმინის ქილების ხაზი დღეს ამოქმედდა.
ახალი ხაზის შექმნაზე, რომელიც ბორჯომს 0.33 ლიტრიან ალუმინის ქილებში ჩამოასხამს, კომპანიამ 5 მილიონიანი ინვესტიცია განახორციელა.
IDS ბორჯომის გენერალური დირექტორის, ზაზა კიკვაძის განცხადებით, კომპანიის სტრატეგიის ძირითადი მიმართულება უფრო მეტად ინოვაციური პროექტების განხორციელებაა, რომლის ერთ-ერთი მაგალითიც ახალი, შეფუთვაა. მისი თქმით, ბაზარზე მსგავსი ტიპის შეფუთვაზე მოთხოვნა არსებობს და ის ძირითადად 20-30 წლის ასაკის აუდიტორიაზეა გათვლილი.
