თბილისის ახალი მერი კახა კალაძე დედაქალაქის მთავრობის ახალ წევრებს საკრებულოში დასამტკიცებლად ხვალ წარადგენს. თბილისის საკრებულოს სხდომა ხვალ 17:00 საათზე არის ჩანიშნული.
თბილისის ახალ მერს 5 მოადგილე ეყოლება. ესენი არიან: ირაკლი ხმალაძე, მაია ბითაძე, გიგა ნიკოლეიშვილი და ირაკლი ბენდელიანი და ილია ელოშვილი.
რაც შეეხება გმგებლებს, კახა კალაძის მიერ შერჩეული გუნდი ასე გამოიყურება:
საბურთალოს რაიონი - გაიოზ ვასაძე;
ვაკის რაიონი - ნოდარ ტურძელაძე (პოსტი შეინარჩუნა).
ჩუღურეთი - ზურაბ ჩიკვილაძე (პოსტი შეინარჩუნა).
დიდუბე - ირმა ზავრადაშვილი (პოსტი შეინარჩუნა).
ნაძალადევი - ირაკლი ხელაძე (პოსტი შეინარჩუნა).
კრწანისი - ლევან ჯაფარიძე;
გლდანი - ბექა მიქაუტაძე. (საბურთალოს ყოფილი გამგებელი).
მთაწმინდა - დავით კირკიტაძე;
ისანი - კახა ლაბუჩიძე;
სამგორის რაონი - დავით კერესელიძე;
კალაძემ თბილისის მერიის საქალაქო სამსახურების ხელმძღვანელებიც დაასახელა მათ შორის ერთერთი უსაფრთხოების საქალაქო სამსახურის უფროსობის კანდიდატი ნიკოლოზ ჭონქაძეა, რომელიც სულიკო კედელაშვილის ფსევდონიმით FACEBOOK-ზე ჰომოფობიურ პოსტებს წერდა. ასევე, ამბობდა, რომ "უცხოელთა მასიური ჩამოსახლებები და დამკვიდრება" აღიზიანებს და ამაში "სერიოზულ საშიშროებას ხედავს".