გარემოს ეროვნული სააგენტოს მოკლევადიანი პროგნოზების სამმართველოს უფროსის დოდო გვაზავას ინფორმაციით, 17 იანვრამდე, აღმოსავლეთ საქართველოში უმეტეს რაიონში თოვლია მოსალოდნელი. სინოპტიკოსები თბილისში დღეს, გვიან ღამით თოვლ-ჭყაპს ვარაუდობენ, დედაქალაქის გარეუბნებში კი, ნალექი უმეტესად თოვლის სახით იქნება. დღეს გვიან ღამით, აღმოსავლეთ საქართველოს უმეტეს რაიონებში მოთოვს, მთიან და მაღალმთიან რაიონებში კი, ინტენსიური თოვაა მოსალოდნელი.
- 14 იანვარს, დასავლეთ საქართველოში იწვიმებს. მაღალ მთაში მოთოვს. ზემო იმერეთსა და კოლხეთის დაბლობზე აღმოსავლეთის მიმართულების ქარი იქროლებს.
- 15–16 იანვარს, აღმოსავლეთ საქართველოში ცივი ჰაერის მასები შენარჩუნდება, ზოგან მოსალოდნელია ნისლი. თბილისში შესაძლოა, ითოვოს.
- 15 იანვარს დასავლეთ საქართველოს უმეტეს რაიონში იწვიმებს, მთასა და მაღალ მთაში მოთოვს.
- 15–17 იანვარს აღმოსავლეთ საქართველოს მაღალ მთაში - ახალქალაქი, ბაკურიანი, გუდაური და სტეფანწმინდა - ღამით –15 გრადუსამდეა მოსალოდნელი.
