ხეების გადარგვის თემას პოზიტივის მეტი არაფერი არ ახლდა. ეს პარკიც იქნება ძალიან საინტერესო და ვთქვი თავის დროზე, რომ ეს პარკი საზოგადოებრივი იქნება. ოპოზიცია ამაზე საერთოდ არ აკეთებს მინიშნებას, საკუთარ სახლში და საკუთარ ეზოში მიაქვს. საკუთარი იყო ჩემი მიწები, როდესაც ციცინათელას ვაშენებდი, ის მიწები მე შევისყიდე, ზოგი მოსახლეობისგან, ზოგი სახელმწიფოსგან, შევისყიდე, ავაშენე ციცინათელა და სახელმწიფოს თავის მიწებიანად ვაჩუქე. ასევე, იყო თუ გნებავთ დიდველზე, ბაკურიანში რომ შევისყიდე მიწები და სახელმწიფოს დავუბრუნე თავისი აშენებული საბაგიროთი, ასევე მოხდა საკონცერტოზეც და კიდევ არის შემთხვევები, რომ ვყიდულობ მიწებს, რაღაცას ვაკეთებ და თავის მიწებიანად სახელმწიფოს ვჩუქნი. დღესაც ამ პარკზე რომ გადაიჭრეს ვენები, საკუთარ სახლში და საკუთარ ეზოში მიაქვსო, მეც ვთქვი და ჩემმა თანაგუნდელებმაც, ვინც ამაში მონაწილეობს, მხედველობაში მაქვს ქართუ ჯგუფის წარმომადგენლები, რომ ეს იქნება საზოგადოებრივი. იციან, მაგრამ აბა ამას ვინ ამბობს? საკუთარ სახლში მიათრევსო და უხეშ სიტყვებს ხმარობენ. ძალიან საინტერესო პარკი შენდება საქართველოში. ერთადერთი მინუსი რაც აქვს, ეს პარკი იმ ფულად ალბათ არ ღირდა, მაგრამ ეს ფული ისევ საქართველოში დარჩა ტექნიკის სახით, ან პირდაპირ გადასახადების სახით. 5 მილიონზე მეტი გზების მშენებლობაში ჩავდე, გზების, რომელიც დარჩება და არა ის რასაც მაბრალებდნენ, რომ სახელმწიფო ბიუჯეტს ვხარჯავდი, მაგას როგორ ვიკადრებ, რომ სახელმწიფო ბიუჯეტი ჩემს პირადზე დავხარჯო.
tbl.ge/31kf
დაკოპირდა
ყოფილი პრემიერმინისტრი და ქართული ოცნების თავმჯდომარე ბიძინა ივანიშვილი, გადაცემაში "აქტუალური თემა მაკა ცინცაძესთან ერთად" მის მიერ დენდროლოგიურ პარკში გადატანილ ხეებზე საუბრობს.
ამავე თემაზე
- უდუმაშვილი ივანიშვილზე: არ უნდა დამარცხებულის გვირგვინით გავიდეს ბრძოლიდან, ეშინია
- ხაზარაძე ივანიშვილზე: ქარაქუცობა ნიშნავს, რომ საქმე არ გამოგდის, ასეთები თავისკენ მოიკითხოს
- ივანიშვილი "ოცნებაზე": მზადაა, აგოს პასუხი საკუთარ თავზე, თუ საჭირო გახდა, სხვასაც აგებინოს
- ივანიშვილი: მაჩანჩალა პოლიტიკოსი არც საკუთარ თავს გამოადგება და არც ქვეყანას
- ივანიშვილი: პოლიტიკოსის პროფესიას თავისი, თუ შეიძლება ითქვას, ბუნებრივი დიალექტიკა აქვს