ჰელსინკის, აშშ-ს და რუსეთის პრეზიდენტების სამიტის სამახსოვროდ თეთრი სახლი მონეტას მოჭრის.
"შეხვედრა უმაღლეს დონეზე. თეთრი სახლის და კრემლის სამიტი",- აწერია მონეტას რუსულ და ინგლისურ ენაზე, რომლის ფოტოები ჟურნალისტმა კენნეტ ვოგელმა გაავრცელა.
"ჩვენ ჯერაც არ ვიცით რაზე შეთანხმდნენ ტრამპი და პუტინი",- წერს ჟურნალისტი.
16 ივლისს ჰელსინკიში, დახურულ კარს მიღმა ლიდერებს შორის პირისპირ შეხვედრა ორ საათზე მეტხანს გაგრძელდა, რის შემდეგაც აშშ-სა და რუსეთის პრეზიდენტებმა მედიისთვის ერთობლივი პრესკონფერენცია გამართეს.
ფინეთის დედაქალაქ ჰელსინკიში ეს აშშ-ის და რუსეთის პრეზიდენტების პირველი ოფიციალური შეხვედრა იყო.
