საშტორმო გაფრთხილების მიუხედავად, 12:00 საათიდან - 15:30 საათამდე მაშველებმა ზღვიდან 15 მოქალაქე უვნებლად გამოიყვანეს. ამის შესახებ ინფორმაციას საგანგებო სიტუაციების მართვის სამსახური ავრცელებს.
ზღვაში ბანაობა აკრძალულია. უწყება მოქალაქეებს მოუწოდებს, მაშველების მითითებებს დაემორჩილონ.
შავ ზღვაზე 5-ბალიანი შტორმია მოსალოდნელი. ტალღების სიმაღლე 4 მეტრს აღწევს.
ზღვის სანაპიროზე, ყველა სამაშველო კოშკურაზე აღმართულია წითელი ალამი. კოშკურებზე თეთრი ალმის აღმართვის შემთხვევაში ზღვაში ბანაობა ნებადართული იქნება;
აკრძალვა მოქმედებს 9 სექტემბრის 10:00 საათამდე
