857 007 ლარი - საქართველოს ეროვნული ლატარიის პირველი ჯეკპოტის მფლობელს მოგებული თანხა საზეიმო ვითარებაში გადაეცა.
ლალი ზურაბიშვილი მოგებული თანხით ოცნების ასრულებას გეგმავს - "პირველ რიგში გავარემონტებ სოფლის სახლს და იქ გადავალ საცხოვრებლად" - ამბობს ჯეკპოტის მფლობელი.
ლალი ზურაბიშვილმა ჭავჭავაძის გამზირზე მდებარე "საქართველოს ეროვნული ლატარიის" ჯიხურში ნასესხები თანხით შეიძინა ლოტო 6/36-ის რამდენიმე ბილეთი, მისივე თქმით, ის კომპანიის დაარსების დღიდან თამაშობდა და არასდროს გამოუტოვებია სატელევიზიო პირდაპირ ეთერში მიმდინარე არც ერთი გათამაშება.
შეძენილი ბილეთებიდან ერთ-ერთში ლალი ზურაბიშვილმა ექვსივე ციფრი გამოიცნო და შესაბამისად, მიმდინარე წლის 28 აგვისტოს მოიგო ჯეკპოტი 857 007 ლარი.
