ქართველმა ჩოგბურთელმა ნიკოლოზ ბასილაშვილმა პეკინში ჩინეთის პირველობის ჩემპიონატის ფინალურ შეხვედრაში მსოფლიოს მე-4 ჩოგანი, არგენტინელი ხუან მარტინ დელ პოტრო დაძაბულ ბრძოლაში ორ სეტში 6:4, 6:4 დაამარცხა.
გასულ წელს ამ ტურნირის გამარჯვებული რაფაელ ნადალი გახდა.
ბასილაშვილი 733,320 აშშ დოლარს და 500 ქულას მიიღებს, რითიც მსოფლიო რეიტინგში მისთვის რეკორდულ, 23-ე ადგილზე გადაინაცვლებს.
არგენტინელ ჩოგბურთელამდე ბასილაშვილმა მე-14 ჩოგანი კაილ ედმუნდი, ტუნისელი მალეკ ჯაზირი და ესპანელი ფერნანდო ვერდასკოც დაამარცხა.
მიმდინარე წელს ბასილაშვილმა ჰამურგში გერმანიის ღია პირველობის ტურნირზეც გაიმარჯვა.
მომდევნო შეხვედრა მას შანხაიში, როლექსის მასტერსზე კანადელ დენის შაპოვალოვთან 9 ოქტომბერს ექნება.
