გარემოს ეროვნული სააგენტოს ინფორმაციით, 19 თებერვალს დღის ბოლომდე საქართველოს მთელ ტერიტორიაზე დროგამოშვებით ნალექიანი და ქარიანი ამინდი შენარჩუნდება.
თბილისში დღის ბოლომდე იქროლებს ძლიერი ქარი, რომლის მაქსიმალური სიჩქარე 20-25მ/წმ, ხოლო ქალაქის გარეუბნებში 28 მ/წმ იქნება. სინოპტიკოსები ჰაერის ტემპერატურას დღის საათებში +8, +10 გრადუსს ვარაუდობენ.
20 თებერვალს ღამისა და დილის საათებში შესაძლოა მცირე თოვლჭყაპი და ნისლი.
20-21 თებერვალს ცალკეულ რაიონში მცირე ნალექს ვარაუდობენ, ქარი ჩადგება. ჰაერის ტემპერატურა დასავლეთ საქართველოს დაბლობში +10, +15 გრადუსამდე მოიმატებს.
აღმოსავლეთ საქართველოში 20 თებერვალს ცივი ამინდი შენარჩუნდება, ტემპერატურა დღისით +2, +7 გრადუსი იქნება და აღმოსავლეთ რაიონებში შესაძლოა ითოვოს.
21 თებერვალს კი +8, +13 გრადუსამდე დათბება.
