ქედაში ავტობუსის გადაბრუნების შედეგად 15 ადამიანი დაშავდა. არც ერთი მათგანის სიცოცხლეს საფრთხე არ ემუქრება.
როგორც "ტაბულას" აჭარის ჯანდაცვის სამინისტროში უთხრეს, 15 ადამიანს მსუბუქი დაზიანებები აღენიშნება, აქედან 2 კი დამატებითი კვლევებისთვის ბათუმის რეფერალურ საავადმყოფოში გადაჰყავთ.
შინაგან საქმეთა სამინისტროს ინფორმაციით, საქმეზე გამოძიება 276-ე მუხლით დაიწყო, რაც სატრანპორტო მოძრაობისას წესების დარღვევას გულისხმობს.
