სუპერმარკეტ "სმარტის" ცნობით, რუსთაველის ფილიალის დაცვის თანამშრომელს ახალი კორონავირუსი დაუდასტურდა.
სუპერმარკეტის განცხადებით, მათ ყველა ის ღონისძიება და რეკომენდაცია გაატარეს, რომელიც დაავადებათა კონტროლის ეროვნული ცენტრის მიერაა მიღებული - ყველა თანამშრომელი, რომელსაც შეხება ჰქონდა დაცვის ინფიცირებულ წევრთან, იზოლაციაში გადაიყვანეს, ხოლო ობიექტი კი - დაიკეტა.
"მოხდა ობიექტის სრული დეზინფექცია (მიუხედავად იმისა, რომ სუპერმარკეტში ისედაც რეგულარულად მიმდინარეობდა სადეზინფექციო სამუშაოები) და მხოლოდ აღნიშნული ზომების გატარების შემდგომ დაუბრუნდა სუპერმარკეტი სამუშაო რეჟიმს,"- წერს სუპერმარკეტი.
სმარტის განცხადებით, თანამშრომელთა და მომხმარებელთა ჯანმრთელობის უსაფრთხოების დამატებითი ზომების მისაღებად, 22 აპრილიდან სმარტის ყველა ფილიალში მისულ მომხმარებლებს მხოლოდ თერმო-სკრინინგის გავლის შემდეგ მიიღებენ.
"თავად სმარტის თანამშრომლების თერმო სკრინინგი აქამდეც სისტემატიურად ხორციელდებოდა,"- წერია განცხადებაში.