ჯანდაცვის სამინისტრომ გამოსცა რეკომენდაციები, რომელიც გახსნის შემდეგ სხვადასხვა სფეროში დასაქმებულთათვის მუშაობის და ქცევის წესებს განსაზღვრავს.
სილამაზის სალონების ფედერაცია აცხადებს, რომ მათთვის მიწოდებული დეტალებით, შემდეგი წესებით უნდა იხელნძღვანელებენ:
- უნდა შეიძნიონ უკონტაქტო თერმომეტრები, დამცავი ფარები, დეზობარიერები. ნიღბები და ხელთათმანები ისედაც მოიპოვებოდა სალონებში.
- ყველა თანამშრომელი ვალდებულია, სამსახურში გამოცხადებისთანავე გაიზომოს სიცხე და აღრიცხვის ჟურნალში შეიტანოს მონაცემები
- კარებში უნდა იდგეს ერთი თანამშრომელი, რომელიც შემოსულ მომხმარებელს გაუზომავს სიცხეს, დააბანინებს ხელს/დეზინფექციას გაუკეთებს სადეზინფექციო სხნარით, რომელიც იქვე იქნება მოთავსებული. აუცილებელია, ყოველი კლიენტის მონაცემები (ტემპერატურა) შეტანილი იქნას აღრიცხვის ჟურნალში
- ხელოსნებს შორის, ასევე მომხმარებლებს შორის მანძილი უნდა იყოს 2 მეტრი
- მომხმარებლებს უნდა ეკეთოთ ნიღბები და ხელთათმანები, ხოლო ხელოსნებს ფარები, ნიღბები და საჭიროების შემთხვევაში (მაგალითად, მანიკიური, კოსმეტოლოგი) ხელთათმანი
- ერთ სივრცეში მაქსიმუმ 5 ადამიანის ერთად ყოფნაა შესაძლებელი.
- ვისაც გრძელი თმა აქვს (ხელოსნებს), უნდა დაიმაგრონ
- აკრძალულია მუშაობის პროცესში მობილური ტელეფონების გამოყენება
- დამლაგებელმა ხშირად უნდა წმინდოს იატაკი სადეზიფექციო ხსნარით, ხოლო სველი წერტილები, ყოველი მომხმარებლის შემდეგ
- აუცილებელია, სილამაზის სალონების მფლობელებმა შეავსონ სპეციალური ფორმა, სადაც უნდა მიუთითონ სატრანსპორტო საშუალებები, რომლითაც თანამშრომლები დადიან.
- ადმინისტრატორებმა ტელეფონი ყოველი საუბრის შემდეგ სადიზენფიქსაციო ხსნარით უნდა გაწმინდონ.
ფედერაციისვე განცხადებით, სილამაზის სალონები საშუალო რისკის ჯგუფს განეკუთვნებიან. მთავრობის გეგმის მიხედვით, სალონებმა მუშაობა 8 ივნისიდან უნდა აღადგინონ.
ჯანდაცვის სამინისტროს მიერ გამოცემულ დოკუმენტში, რომელიც მომსახურების სფეროს - სილამაზის სალონებს, აფთიაქებს და ბანკებს ეხება წერია, რომ დასაქმებული ვალდებულია:
ვინაიდან ხელის ჰიგიენის რეგულარულად და საფუძვლიანად შესრულება წარმოადგენს უმეტესი ვირუსისგან თავის დაცვის საუკეთესო საშუალებას, აუცილებელია სამუშაო ადგილზე განხორციელდეს შემდეგი ღონისძიებები:
- დაიცავით ჰიგიენის წესები თქვენს სამუშაო ადგილზე;
- დაასუფთავეთ სადეზინფექციო საშუალებებით სამუშაო ზედაპირები, თუ ხელსაწყოები;
- საკვების მიღებამდე და მიღების შემდეგ, საპირფარეშოში შესვლის და გამოსვლის შემდეგ საფუძვლიანად დაიბანეთ ხელები წყლითა და საპნით და კარგად გაიმშრალეთ.
- მოერიდეთ სხვებთან კონტაქტს (შეხებას, ჩახუტებას და სხვა) და დაიცავით უსაფრთხო დისტანცია (არანაკლებ 2 მ-სა)
- დახველების და დაცემინების დროს მიიფარეთ სუფთა ხელსახოცი ან იდაყვი.
- გამოყენებული ერთჯერადი ხელსახოცი მოათავსეთ ურნაში;
- გამოიყენეთ სპირტის შემცველი ხელის საწმენდი საშუალებები იმ შემთხვევაში, თუ ვერ ახერხებთ ხელების დაბანას და გაშრობას;
- მუშაობის პერიოდში მჭიდროდ დაიმაგრეთ თმა, რათა მაქსიმალურად შეიზღუდოს თმისა და სახის შეხება, ასევე მოერიდეთ ხელებით თვალებზე, ცხვირზე და პირზე შეხებას.
- მობილური ტელეფონის/ქალაქის ტელეფონის გამოყენებისას გახსოვდეთ, რომ ტელეფონს შეეხეთ ხელებით, რომელიც პოტენციურად ვირუსის გადამტანია. ხშირად გამოიყენეთ სადეზინფექციო საშუალებები.
