ეპიდსიტუაცია საკმაოდ რთულია, არამარტო ჩვენთან, ზოგადად გლობალურად მძიმდება ეპიდსიტუაცია, რაც დაკავშირებულია ახალ მოცირკულირე შტამებთან. დღეს წინა პლანზე ყველგან გამოდის დელტა შტამი, ასევე დელტა+ და არაა გამორიცხული, მოგეხსენებათ, ვირუსი იბრძვის და სხვა სიურპრიზებიც დაუყენოს კაცობრიობას.
ჩვენ ყოველდღიურად ვაკვირდებით ცირკულაციას სხვადასხვა შტამებისა ქვეყანაში. ლუგარში დადასტურებული თითქმის ყველა დადებითი შემთხვევის 90% მოდის დელტა შტამზე. დელტა შტამი, მოგეხსენებათ, ხასიათდება მეტი აგრესიულობით, მეტი გავრცობადობით, განსაკუთრებით ახალგაზრდა ასაკში, ამიტომაც გვაქვს ინფექციის სერიოზული გავრცელება სხვა მიზეზებთან ერთად.
