ბერლინში, ბრიტანეთის საელჩოს დაცვის თანამშრომელი, დევიდ სმიტი რუსეთის სასარგებლოდ ჯაშუშობაში ამხილეს. გაერთიანებული სამეფოს პოლიციის ცნობით, სმიტს ბრალი 9 სხვადასხვა დარღვევაში ედება.
სკოტლანდ იარდის ინფორმაციით, 57 წლის დევიდ სმიტის გერმანიიდან ბრიტანეთში ექსტრადირება 6 აპრილს მოხდა. 7 აპრილს კი ის სასამართლოს წინაშე წარდგება.
სმიტი, რომელიც ქალაქ პოტსდამში ცხოვრობდა, ინფორმაციის შეგროვებისა და მისი რუსეთისთვის გადაცემაში 7 სხვადასხვა ეპიზოდშია მხილებული. ამასთან, თითოჯერ კომუნიკაციის დამყარებისა და ინფორმაციის მიწოდების მცდელობაში იმ პირთან, ვინც მას რუსეთის ხელისუფლების წევრი ეგონა.
სავარაუდო დანაშაული 2020 წლის ოქტომბრიდან 2021 წლის აგვისტომდეა ჩადენილი.
The Met-ის ინფორმაციით, გამოძიებას მისი კონტრტერორისტული სამხედრო ოლქი ხელმძღვანელობდა.