გერმანიის პრეზიდენტი კიევში ჩავიდა. ფრანკ-ვალტერ შტაინმაიერი უკრაინის პრეზიდენტს, ვოლოდიმირ ზელენსკის შეხვდება.
"ჩვენ არა მხოლოდ უბრალოდ ვდგავართ თქვენ გვერდით, ჩვენ გავაგრძელებთ უკრაინის მხარდაჭერას ეკონომიკური, პოლიტიკური და სამხედრო კუთხით“, – თქვა შტაინმაიერმა კიევში ჩასვლისას.
მან ასევე გერმანელებს მიმართა, არ დაავიწყდეთ, რას ნიშნავს ეს ომი უკრაინის მოსახლეობისთვის.
"უკრაინელ ხალხს ვჭირდებით" - თქვა მან.
გერმანიის პრეზიდენტი უკრაინაში ჩასვლას გასულ ოთხშაბათს გეგმავდა, თუმცა ვიზიტი უსაფრთხოების მიზეზით გადაიდო.