იუსტიციის დეპარტამენტის ინფორმაციით, 2 მარტს აშშ-ს ორი მოქალაქე რუსეთში ამერიკული საავიაციო ტექნოლოგიის გაგზავნის ბრალდებით დააკავეს.
59 წლის კირილ გრეგორი ბუიანოვსკის და 55 წლის დუგლას რობერტსონს კონტროლირებადი საქონლის ლიცენზიის გარეშე ექსპორტში, ელექტრონული საექსპორტო ინფორმაციის გაყალბებასა და აშშ-ს კანონმდებლობის საწინააღმდეგო საქონლის კონტრაბანდაში ედებათ ბრალი.
გასულ წელს უკრაინაში რუსეთის ომის დაწყების შემდეგ, აშშ-ს მთავრობამ რუსეთში გადაზიდვებზე დამატებითი სანქციები დააწესა. პროკურორების თქმით, ბუიანოვსკიმ და რობერტსონმა განიხილეს ვარიანტები, თუ როგორ გაეგზავნათ რუსეთში ტექნოლოგია, მათ შორის შუამავალი ქვეყნების გზით.