რუსეთში, ტამბოვის ოლქის ქალაქ კოტოვსკში დენთის ქარხნის შენობას ცეცხლი გაუჩნდა. ამის შესახებ ინფორმაციას რუსული სამთავრობო მედია საგანგებო სიტუაციების სამინისტროზე დაყრდნობით ავრცელებს.
უწყების ცნობით, შენობაში გაჩენილი ხანძრის შესახებ ცნობა 14:10 საათზე შევიდა.
"ამ დროისთვის არის ინფორმაცია ოთხი დაღუპული და ორი დაშავებული ადამიანის შესახებ". - უთხრა რუსულ სამთავრობო მედია TACC-ს სასწრაფო დახმარების სამსახურმა.
ტამბოვის ოლქის გუბერნატორმა აღნიშნა, რომ ხანძარი "ადამიანურმა ფაქტორმა" გამოიწვია.
