Twitter-მა, შესაძლოა, მისი კონკურენტი აპლიკაციის Threads-ის გამო Meta-ს უჩივლოს.
Twitter-ის ადვოკატმა, ალექს სპირომ ოთხშაბათს, 5 ივლისს Meta-ს აღმასრულებელ დირექტორს, მარკ ზაკერბერგს წერილი გაუგზავნა, რომელშიც Meta "Twitter-ის სავაჭრო საიდუმლოებებისა და სხვა ინტელექტუალური საკუთრების სისტემატურ, მიზანმიმართულ და უკანონო მითვისებაში" დაადანაშაულა.
როგორც ადვოკატი აღნიშნავს, Meta-მ დაიქირავა Twitter-ის ათობით ყოფილი თანამშრომელი, რომლებსაც "ჰქონდათ და აქვთ წვდომა Twitter-ის სავაჭრო საიდუმლოებებზე და სხვა უაღრესად კონფიდენციალურ ინფორმაციაზე", რაც სპიროს თქმითვე, "საბოლოოდ მას Twitter-ის ასლის Threads-ის შექმნაში დაეხმარა".
Meta-ს სპიკერი ენდი სტოუნი მასკის ადვოკატს გამოხმაურა და აღნიშნა, რომ "Threads-ის საინჟინრო გუნდში არავინ არის Twitter-ის ყოფილი თანამშრომელი – ეს უბრალოდ ასე არ არის".
ამასთან, Twitter-ის მფლობელმა, ილონ მასკმა თქვა, რომ "კონკურენცია კარგია, მოტყუება არა".
5 ივლისს Threads-ის გაშვების შემდეგ, აპლიკაციაზე ათობით მილიონი ადამიანი დარეგისტრირდა.
Meta-მ Twitter-ის ალტერნატივა – აპლიკაცია Threads შექმნა