საერთაშორისო სავალუტო ფონდმა უკრაინაში თავისი მუდმივი მისია აღადგინა. ინფორმაციას საერთაშორისო სავალუტო ფონდის დირექტორი, კრისტალინა გეორგიევა სოციალურ ქსელ X-ში (ყოფილი Twitter) ავრცელებს.
"მოხარული ვარ, რომ შემიძლია გაცნობოთ კიევში საერთაშორისო სავალუტო ფონდის წარმომადგენელი მუდმივი მისიის აღდგენის შესახებ. ჩვენ კიდევ უფრო გავაღრმავებთ ურთიერთობას უკრაინასთან" - წერია გეორგიევას განცხადებაში.
საერთაშორისო სავალუტო ფონდის ევროპის დეპარტამენტის დირექტორი უმა რამაკრიშნანი კიევში 1-ელ ოქტომბერს ჩავიდა და უკრაინული მხარის ოფიციალურ წარმომადგენლებს შეხვდა.
