სომალიში ძლიერი წვიმების შედეგად გამოწვეულმა წყალდიდობამ, სულ მცირე, 96 ადამიანი იმსხვერპლა. ინფორმაცია ადგილობრივ მედიას ქვეყნის ბუნებრივი კატასტროფების მართვის სააგენტომ დაუდასტურა.
გაეროს ცნობით, ეს ბოლო ათწლეულებში რეგიონში მომხდარი ყველაზე მასშტაბური წყალდიდობაა და სტიქიის გამო 700 000-მდე ადამიანს მოუწია საცხოვრებლის დატოვება.
პარალელურად, წვიმების შედეგად გამოწვეულ წყალდიდობას მსხვერპლი სომალის მეზობელ ქვეყანაში, კენიაშიც მოჰყვა, სადაც სტიქიის გამო, სულ მცირე, 76 ადამიანი დაიღუპა. 150 000-ზე მეტი ადამიანი კი თავშესაფრის გარეშე დარჩა.
