ბრიტანეთის ქალაქ დოვერში დაანგრიეს შენობა, რომელზეც ბენქსის დაახლოებით 1 მილიონ გირვანქა სტერლინგად შეფასებული ფრესკა ეხატა. შედეგად ცნობილი არტისტის ნამუშევარი განადგურდა.
ფრესკა ზღვის პირას მდებარე ქალაქ დოვერში 2017 წელს, მას შემდეგ გამოჩნდა, რაც ბრიტანეთმა რეფერენდუმის გზით ევროკავშირის დატოვებას დაუჭირა მხარი.
ნამუშევარზე გამოსახული იყო მუშა, რომელიც ევროკავშირის დროშას 12 ყვითელი ვარსკვლავიდან ერთ-ერთს აშორებდა.
აღსანიშნავია, რომ 2019 წელს ბენქსის ნახატი, რომელიც ქალაქის ტურისტულ ღირსშესანიშნაობად იქცა, ღამით თეთრად გადაღებეს. ნამუშევრის აღდგენა შესაძლებლად მიიჩნეოდა, თუმცა მისი რეკონსტრუქცია დიდი ხარჯის გამო მიზანშეწონილად არ მიიჩნიეს.
Luke MacGregor/Bloomberg/Getty Images
