ვიზალიბერალიზაციაზე ევროკომისიის ანგარიშის გამოქვეყნება ისევ გადაიდო. საქართველოში ევროკავშირის ელჩის იანოშ ჰერმანის პრესკონფერენცია 14:30-ზე, სასტუმრო თბილისი მარიოტში იყო დაგეგმილი, თუმცა, ჰერმანი ევროკომისიის ანგარიშს მოგვიანებით წარადგენს.
"14:30-ზე დაგეგმილი იანოშ ჰერმანის პრესკონფერენცია გაიმართება მოგვიანებით თბილისი მარიოტში, ზუსტ დროს დამატებით შეგატყობინებთ", - აცხადებს ევროკავშირის წარმომადგენლობა.
საქართველოს შესახებ ანგარიშის გამოქვეყნებას ევროკომისია 15 დეკემბერს გეგმავდა, თუმცა "ტექნიკური დეტალების დაზუსტების" მიზეზით გადაიდო.
