საქართველოს ფინანსთა სამინისტროს საგამოძიებო სამსახურმა ქრთამის მოთხოვნისა და აღების ბრალდებით, თბილისის მერიის მიერ დაფუძნებული შპს თბილსერვის ჯგუფის თანამშრომელი მიხეილ მეთაფლიშვილი დააკავა.
გამოძიების ინფორმაციით, ბრალდებული ერთ-ერთ მოქალაქეს დაპირდა თბილსერვის ჯგუფში დასაქმებას, სანაცვლოდ კი, ქრთამის სახით მოითხოვა და აიღო 1500 ლარი.
გამოძიება მიმდინარეობს საქართველოს სისხლის სამართლის კოდექსის 338-ე მუხლის პირველი ნაწილით, რაც სასჯელის სახით 6-დან 11 წლამდე პატიმრობას ითვალისწინებს.