ბანგლადეშის სავალუტო რეზერვები $80 მილიონით შემცირდა, მიზეზი ჰაკერული თავდასხმაა. ცენტრალური ბანკი ჰაკერების მარტივი სამიზნე აღმოჩნდა, რადგანაც მას პრაქტიკულად არანაირი ელექტრონული უსაფრთხოების სისტემა არ იცავდა, $10-იანი როუტერი კი რომლის მეშვეობითაც ბანკი საერთაშორისო გადახდების სისტემა SWIFT-ში იყო ჩართული მეორადი იყო.
ბანგლადეშის სავალუტო რეზერვები $28 მილიარდს შეადგენს, თუმცა როგორც აღმოჩნდა ცენტრალურმა ბანკმა დაზოგა რამდენიმე ათასი დოლარი, რომლითაც საკუთარ უსაფრთხოების სისტემას გააუმჯობესებდა.
ჰაკერების თავდაპირველ სამიზნეს $1 მილიარდის მოპარვა წარმოადგენდა, მათ გადარიცხვების სისტემა SWIFT-ში ბანგლადეშის ცენტრალური ბანკის სახელით გააგზავნეს შეტყობინება, რომ ნიუ-იორკში მდებარე სარეზერვო ბანკის ბანგლადეშის ანგარიშიდან $951 მილიონი საერთაშორისო ანგარიშებზე გადარიცხულიყო. ამ გადარიცხვების ძირითადი ნაწილი SWIFT-ის სისტემამ დაბლოკა, თუმცა $81 მილიონი ფილიპინებში გადაირიცხა, რის შემდეგაც თანხები ადგილობრივი კაზინოების ანგარიშებზე მოხვდა, შემდეგ კი თანხების კვალი ქრება.
ბანგალდეშელმა პოლიციელებმა საქმეზე 20 პირი მისცეს პასუხისგებაში, თუმცა არცერთი მათგანი ჰაკერული შეტევის მონაწილე არ აღმოჩნდა.
