გუშინ, 30 აპრილის საღამოს, სამეგრელოში მკვლელობა მოხდა. მარტვილში ოცდაათ წლამდე ახალგაზრდა მამაკაცი ურთიერთშელაპარაკების ნიადაგზე ცივი იარაღით დაჭრეს, რის შედეგადაც ის ადგილზე გარდაიცვალა.
როგორც ტაბულას შსს-ში უთხრეს, სამართალდამცავებმა მკვლელობაში მონაწილე პირი ცხელ კვალზე ჩხოროწყუში დააკავეს. მომხდართან დაკავშირებით გამოძიება სისხლის სამართლის კოდექსის 108-ე მუხლით მიმდინარეობს.
