ოჯახში ძალადობის მსხვერპლი ქალი შინაგან საქმეთა სამინისტროს მაღალჩინოსნების, დეპუტატისა და მისი აპარატის მხრიდან დანაშაულის დაფარვაზე და სამსახურეობრივი უფლებამოსილების ბოროტად გამოყენებაზე საუბრობს. მედეა პატაშურის თქმით, ყოფილი ქმარი მასზე ფიზიკურად და ფსიქლოგიურად ძალადობს. ის რამაზ ხუციანიძეს მკვლელობის მცდელობაში, შემაკავებელი და დამცავი ორდერების პირობების დარღვევაში, ასევე შვილისა და დედის ფიზიკურ შეურაცხყოფაში ადანაშაულებს. მისი თქმით, ყოფილი ქმარი ქართული ოცნების ყოფილი აღმასრულებელი მდივნის, ზვიად ჯანყარაშვილის მეგობარია, ასევე, მას მფარველობს დუშეთის მაჟორიტარი დეპუტატის თანაშემწე დოდო ხეთაგური. როგორც დღეს გამართულ პრესკონფერენციაზე ქალთა მოძრაობის წევრმა, ბაია პატარაიამ აღნიშნა, არსებობს კანონიერად მოპოვებული სამხილები, სადაც რამაზ ხუციანიძის კავშირები დასტურდება. ერთ-ერთ მიმოწერაში მას თელავის პოლიციის ყოფილი უფროსი, მამუკა კბილცეცხლაშვილი ყოფილი ცოლის მიერ საზღვრის გადაკვეთის ფოტოებს უგზავნის. ბაია პატარაიას თქმით, მედეა პატაშურის ყოფილი ქმარი შინაგან საქმეთა სამინისტროს ფარული თანაშრომელია.
tbl.ge/1o3a
დაკოპირდა
ამავე თემაზე
- უვადო პატიმრობა მიესაჯა კაცს, რომელმაც ბოლნისში ცოლი შვილების თვალწინ მოკლა
- ცოლზე ძალადობაში ბრალდებული შსს-ს თანამშრომელი 5 000 ლარიანი გირაოთი გაათავისუფლეს
- ცოლზე ფიზიკურად ძალადობდა და ემუქრებოდა - შსს-ს თანამშრომელს ბრალი წარუდგინეს
- საგამოძიებო: შსს-ს თანამშრომელი მეუღლეზე შვილების თანდასწრებით ძალადობის ფაქტზეა მხილებული
- ცოლზე სისტემატურად ძალადობდა – აფხაზეთის პოლიციის დეპარტამენტმა ზუგდიდში 1 პირი დააკავა