ავლაბარში ორი მამაკაცი სავარაუდოდ ჰომოფობიური მოტივით დაჭრეს. ისინი ე.წ "არამიანცის" საავადმყოფოში იმყოფებიან.
შინაგან საქმეთა სამინისტროში ტაბულას უთხრეს, რომ გამოძიება სისხლის სამართლის კოდექსის 118-ე მუხლით დაიწყო, რაც ჯანმრთელობის განზრახ ნაკლებად მძიმე დაზიანებას გულისხმობს. გამოძიებამ უკვე დაადგინა ორი სავარაუდო თავდამსხმელი.
რაც შეეხება ჰომოფობიური ნიშნით ჩადენილ დანაშაულს, შსს-ში აცხადებენ, რომ ამ ეტაპზე ვერაფერს იტყვიან, რადგან დაჭრის მოტივი გამოძიებამ უნდა დაადგინოს.
