22 მაისის შუალედური არჩევნები

კორცხელის საარჩევნო უბანთან ენმ-ის ლიდერებს სცემეს

0 კომენტარი
ფოტო: 2030

ზუგდიდში, კორცხელის საარჩევნო უბანთან დაპირისპირება მოხდა. ფიზიკური შეურაცხყოფა მიაყენეს ენმ-ის წევრებს - გიგა ბოკერიას, თენგიზ გუნავას, ნიკა მელიას და პარტიის კიდევ რამდენიმე წარმომადგენელს.

საარჩევნო უბანთან შეკრებილმა პირებმა, რომლებიც ენმ-ის ინფორმაციით, ქართული ოცნების მიერ მობილიზებული სპორტსმენები იყვნენ, ნიკა მელიას ტერიტორიის დატოვება მოსთხოვეს. მათი განცხადებით, "ნაციონალებს ხალხთან მისვლის უფლება არ აქვთ".

ერთიანი ნაციონალური მოძრაობის ცნობით, თბილისიდან ჩაყვანილი მოჭიდავეები და მორაგბეები რკინის ხელკეტებით და კასტეტებით შეიარაღებულები უსწორდებოდნენ ადამიანებს. მათივე ინფორმაციით, "პოლიცია ხელებჩამოშვებული თანაუგრძნობს დაქირავებულ, ყაჩაღებად ფორმირებულ ბანდას".

აღსანიშნავია, რომ სპორტსმენების ჯგუფი რუსთავი ორმა ზუგდიდში, ბოტანიკურ ბაღში დააფიქსირა. ამის შემდეგ კი, ისინი საარჩევნო უბანზე ნახეს. ისინი კამერას გაურბოდნენ და ამბობდნენ, რომ ტურისტები არიან და ღირსშესანიშნაობებს ათვალიერებენ.

ახალი ვიდეო მეტი ვიდეო

ლევან ბერძენიშვილი

კომენტარები