ერთიანი ნაციონალური მოძრაობა პარლამენტში შევა და არჩევნების მეორე ტურებში მონაწილეობას მიიღებს. ამის შესახებ პოლიტსაბჭოს დღევანდელ სხდომაზე გახდა ცნობილი.
კენჭისყრა რამდენიმე წუთის წინ, 31-ით 8-ის წინააღმდეგ დასრულდა.
ცნობისთვის, ცესკოს პირველადი მონაცემებით, ენმ-ს საპარლამენტო არჩევნებში ხმათა 27.12% აქვს. ამასთან, 51 ოლქიდან, სადაც მეორე ტური უნდა ჩატარდეს, ნაციონალური მოძრაობის კანდიდატი 47 ოლქში იღებს მონაწილეობას.